اداکار نوید رضا کا کورونا وائرس کی تصدیق کرتے ہوئے خصوصی پیغام جاری

پاکستان شوبز انڈسٹری کے نامور اداکار نوید رضا نے کورونا کی تصدیق کرتے ہوئے کورونا کے حوالے سے خصوصی پیغام جاری کر دیا-

باغی ٹی وی : کورونا وائرس کا شکار اداکار نوید رضا نے سوشل میڈیا پر اپنے ساتھ اداکاروں کے لیے ایک خصوصی ویڈیو پیغام جاری کرتے ہوئے کہا کہ میری اس ویڈیو کا مقصد یہ ہے کہ میں اپنے ڈرامہ سیریل کے ساتھی اداکاروں کو خود میں ظاہر ہونے والی کورونا علامات سے آگاہ کر سکوں۔

ڈرامہ سیریل میرا دل میرا دشمن کے اداکار نے کہا کہ پہلے دن مجھے سر اور جسمانی درد کے ساتھ پانی کی کمی محسوس ہوئی جبکہ اُس کے اگلے دن مجھے بخار کے ساتھ ہی کمزوری بھی محسوس ہونے لگی لیکن اس کے ساتھ نہ مجھے فلو ہوا اور نہ ہی گلا خراب ہوا۔

نوید رضا نے بتایا کہ تیسرے دن بھی میرے یہ ہی حالت رہی اور اُس کے بعد میں نے اپنا کورونا ٹیسٹ کروایا جو کہ مثبت آیا۔

اداکار نے اپنے ویڈیو پیغام میں ہدایتکار، پوڈیوسرز اور دیگر اداکاروں کو مشورہ دیتے ہوئے کہا کہ اگر آپ شوٹنگ کے لیے سیٹ پرجاتے ہیں تو براہ مہربانی احتیاطی تدابیر کا خیال رکھیں کیونکہ ہم ہی ایک دوسرے کو اس وائرس سے بچا سکتے ہیں۔
https://www.instagram.com/p/CAkyC6ZgMA4/?igshid=lj03nidv7ln
انسٹا گرام پر شئیر کی گئی اپنی اور اہلیہ کی تصویر کے ساتھ کیپشن میں لکھا کہ وقت اچھا ہو یا بُرا گزر ہی جاتا ہے

اداکار نے مداحوں سے ان کو اور انکی فیملی کو دعاؤں میں یاد رکھنے کی بھی درخواست کی-

نادیہ جمیل کا بریسٹ کینسر کی کیمو تھراپی کا دوسرا مرحلہ بھی مکمل

دنیا بھر میں کورونا سے متاثرہ ممالک میں امریکہ پہلے اور برازیل دوسرے نمبرپر،بھارت دسویں اورپاکستان اٹھاروہویں نمبرپرآگیا

پاکستان میں‌ کرونا کی سپیڈ جاری، 24 گھنٹوں میں‌2 ہزار سے زائد نئے مریض، اموات میں بھی اضافہ

ندا یاسر ،اپنے شوہر کے ہمرا کرونا کا شکار