سفارتی سطح پر پاکستان کی بھارت کو بڑی شکست

جنیوا:بھارت کو بڑی شکست ،پاکستان ، بھارت کو ہرا کر یونیسکو کا وائس چیئرمین منتخب ہوگیا، بھارت کی پاکستان کو عالمی سطح پر تنہا کرنے کی مذموم کوشش بُری طرح ناکام ہوگئی۔

باغی ٹی وی : تفصیلات کے مطابق نومبر 2023 میں اقوام متحدہ کی سرپرستی میں گروپ الیکشن کا انعقاد ہوا، پاکستان 2027-2023 کیلئے یونیسکو کے ایگزیکٹو بورڈ کے طور پر دوبارہ منتخب ہوگیا،15نومبر کو ہونے والے الیکشن میں پاکستان نے سب سے زیادہ 154 ووٹ حاصل کیے، اور 2023-2027 کی مدت کے لیے اقوام متحدہ کی تعلیمی، سائنسی اور ثقافتی تنظیم (UNESCO) کے ایگزیکٹو بورڈ کے طور پر دوبارہ منتخب ہوگیا۔

پاکستان ، بھارت کو ہرا کر یونیسکو کا وائس چیئرمین منتخب ہوا،ایشیا پیسیفک گروپ کیجانب سے ایگزیکٹو بورڈ میں اہم پوزیشن کیلئے ہندوستان کو شکست دی،58رکنی ایگزیکٹو بورڈ میں سے پاکستان نے 38 ووٹ حاصل کیے،58رکنی ایگزیکٹو بورڈ میں بھارت صرف 18 ووٹ حاصل کر سکا،یہ بھارت کے لیے ایک بہت بڑی شکست تھی،پاکستان اب دو سال کے لیے یونیسکو کا وائس چیئرمین بن گیا۔

عمران اشرف کی سابقہ اہلیہ نے دوسری شادی کر لی؟

یونیسکو کے ایگزیکٹو بورڈ کیلئے پاکستان کا دوبارہ انتخاب ملک کیلئے کئی ممکنہ فوائد کا حامل ہے یونیسکو کا ایگزیکٹو بورڈ تنظیم کی پالیسیوں اور پروگراموں کی تشکیل میں اہم کردار ادا کرتا ہے دوبارہ انتخاب اقوام متحدہ میں پاکستان کی دیرینہ حمایت اور تعمیری کردار کا بہترین ثبوت ہے،یہ کامیابی ملک کے لیے باعث فخر ہے ،عالمی سطح پر بڑی کامیابی ہے۔

ہماری زمین سے 13 گنا بڑا سیارہ، جس نے سائنسدانوں کو چکرا کر رکھ …