بین الاقوامی شہرت یافتہ ترک ڈرامہ سیریز ” ارطغرل غازی” کے مرکزی کردار انجین التان پاکستان میں دو روزہ دورہ مکمل کرکے واپس روانہ ہوگئے-

باغی ٹی وی :پاکستان سے ڈھیروں محبتیں سمیٹ کر بین الاقوامی شہرت یافتہ ترک ڈرامہ سیریز ” ارطغرل غازی” کے مرکزی کردار انگین التان دو روزہ دورے کے بعد ترکی روانہ ہوگئے تُرک اداکار نے مختلف تاریخی مقامات کی سیر کی-

انجین التان نے نجی دورے کے دوران تاریخی مقامات کی سیر کی اُنہوں نے کچھ نجی کمپنیوں کے ساتھ شوبز سرگرمیوں کے حوالے سے لائحہ عمل طے کیا۔

انجین التان نے گزشتہ شام بادشاہی مسجد کا دورہ کیا تھا اِس موقع پر تاریخی مسجد کے خطیب مولانا عبد الخبیر آزاد بھی موجود تھے۔ اداکار انجین التان نے تاریخی مقامات دیکھنے پر خوشی کا اظہار کیا۔

انجین التان نے شاعر مشرق علامہ محمد اقبالؒ کے مزار پر حاضری دی اور فاتحہ خوانی بھی کی۔

بریکنگ: ترک اداکار انجین التان دو روزہ دورے پر پاکستان پہنچ گئے

ذرائع کے مطابق ترک اداکار انجین التان آئندہ سال بھی پاکستان کا دورہ کریں گے۔

واضح رہے کہ ترک اداکار انجین التان کا کہنا تھا کہ ترکی اور پاکستان میں اچھے برادرانہ تعلقات ہیں،پاکستانی عوام مجھ سے پیار کرتے ہیں، اور اس سے بھی زیادہ خوشی کی بات یہ ہے کہ وزیراعظم عمران خان نے ارطغرل غازی ڈرامے کی تعریف کی۔

ترک اداکارانجین التان کا لاہو رمیں کہنا تھا کہ ہمارا چودھری ٹیکسٹائل سے معاہدہ ہوا ہے ،پاکستانیوں کی محبت اور نیک خوا ہشات پر ان کا مشکور ہوں، پاکستان ہمارا دوسرا گھر ہے،یہاں آ کر خوشی ہوئی ، ارطغرل غازی بہت بڑی ڈرامہ سیریل تھی، یہ ایک اسلامی اسٹوری تھی جسے پاکستان میں بہت پسند کیا گیا، اگر اچھی کہانی ملی تو پاکستان کی ڈرامہ سیریل میں ضرور کام کروں گا۔

ترک اداکار انجین التان کا کہنا تھا کہ پاکستان کی قدرتی خوبصورتی سے اچھی طرح واقف ہوں لیکن میرا پاکستان کا مختصر دورہ ہے اس لئے زیادہ سیر نہیں کر سکا یہاں کے کھانے بھی بہت لذیذ ہیں لیکن مرچیں زیادہ ہیں، میں نے کچھ نئے پراجیکٹس کے معاہدے کئے ہیں، نجی ٹیکسٹائل کا برانڈ ایمبیسڈر بن رہا ہوں۔

ترک اداکار انگین التان نے دورہ لاہور میں کیا بڑا اعلان،پاکستان کیوں آئے ؟بتا دیا

خیال رہے کہ مسلمانوں کی اسلامی فتوحت پر مبنی عالمی شہرت یافتہ ترک سیریز ارطغرل غازی میں بہادر جنگجو کا کردار ادا کرنے والے ترک اداکار انجین التان دو روزہ دورے پر گزشتہ روز پاکستان پہنچے تھے،ارطغرل کو چوہدری گروپ آف انڈسٹریز کے ایہم ڈی چوہدری محمد اسماعیل اور میاں کاشف ضمیر نے مدعو کیا تھا

اس سے قبل بھی انجین التان دوزیتان کے دورہ پاکستان کی چہ مگیوئیاں ہوتی رہی ہیں لیکن اب انہوں نے اچانک لاہور پہنچ کر سب کو حیران کر دیا ہے۔ میڈیا رپورٹس کے مطابق ترک اداکار لاہور کے علاوہ اسلام آباد کا بھی دورہ کریں گے۔ تاہم ترک سفارتخانے کی جانب سے جاری ٹویٹ میں ان کی دیگر مصروفیات کے بارے میں کچھ نہیں بتایا گیا ہے۔

ترکی کا مشہور ڈرامہ سیریل ارطغرل غازی کو پاکستان ٹیلی وژن پر نشر کیا جا رہا ہے۔ وزیراعظم عمران خان خود بھی اس ڈرامے کے بہت بڑے مداح ہیں، دراصل انہوں نے ہی حکام کو ہدایت کی تھی کہ اس ڈرامہ سیریل کو پی ٹی وی پر چلایا جائے تاکہ پاکستانی اپنے اسلامی اقدار اور اوصاف سے آشنا ہو سکیں۔ اس تاریخی ڈرامہ میں سلطنت عثمانیہ کے بانی ارطغرل غازی کی اسلام کیلئے کی گئی جدوجہد کو دکھایا گیا ہے۔

ارطغرل غازی کے ابن عربی نے مداحوں سے نئے پروجیکٹ کے لئے مشورہ مانگ لیا