ترک ڈرامہ سیریل ارطغرل غازی میں نڈر حلیمہ سلطان کا کردار نبھانے والی ترک اداکارہ اسرا بیلجک نے کہا کہ ان کو پاکستان کا دورہ کر کے خوشی ہو گی اور وہ یہاں آ کر ڈاکیومنٹری میں کسی کشمیری کا کردار نبھانا چاہیں گی۔

باغی ٹی وی :ایک پاکستانی میگزین کو انٹرویو دیتے ہوئے اسرا بیلجک نے بتایا کہ وہ قانون کی تعلیم حاصل کر رہی ہیں اور ڈاکیومنٹری پراجیکٹ سے متعلق ابھی لکھ رہی ہیں جس کا عنوان "بحران کی صورتحال میں فطرت کا ردعمل” ہے۔

ترک اداکارہ نے کہا کہ شہروں کے بننے سے زرعی زمین، جنگلات اور جانوروں کی پناہ گاہیں خراب ہوئی ہیں مگر اس سب کے باوجود اگر ہم فطرت کی طرف متوجہ ہوں تو قدرت ہمیں گلے لگا لیتی ہے۔ انہوں نے کہا کے قرنطینہ کے دور میں میں وہ مالی مسائل کے شکار لوگوں کے پاس جاتی ہیں ان کے مسائل لکھتی اور اس پریشان حالی کی تصاویر لیتی ہیں تاکہ ان کو اجاگر کیا جا سکے۔

انٹرویو کے دوران ترک اداکارہ نے پاکستان آنے کی خواہش کا بھی اظہار کیا۔ انہوں نے کہا کہ وہ پاکستان آکر یہاں کے پہاڑی علاقوں جیسے بابوسر ٹاپ، کاغان، آزاد کشمیر، وادی لیپا اور دیوسائی کے علاقوں میں تصویر کشی کرنا چاہتی ہیں اور اپنی ڈاکیومنٹری میں کشمیری عورت کا کردار نبھانا چاہتی ہیں۔

اسرا بیلجک نے مزید کہا کہ دراصل کشمیر ان جگہوں میں سے ایک ہے جہاں کے بارے میں مجھے سب سے زیادہ دلچسپی ہے اور میں دستاویزی منصوبے کے لئے اس کے کچھ مقامات کا سفر کرنا چاہتی ہوں۔
https://www.instagram.com/p/CBlcwGrDABt/
https://www.instagram.com/p/CBXsCpoDw24/

بریکنگ ، ارطغرل ڈرامے کے مرکزی کرداروں کا اکتوبر میں دورہ پاکستان کا اعلان

پاکستانیوں کا انجن التان سے اسری بلجک کے ساتھ شادی کا مطالبہ