پی آئی اے کا خصوصی طیارہ عراق سے پاکستان پہنچ گیا

باغی ٹی وی کی رپورٹ کے مطابق پی آئی اے کا خصوصی طیارہ عراق سے پاکستان پہنچ گیا

پرواز پی کے 9814 کے ذریعے 136 مسافر اسلام آباد پہنچے،ڈاکٹروں کی خصوصی ٹیم نے مسافروں کا طبی معائنہ اور اسکریننگ کی ،بلال نامی مسافر کوجسم کا درجہ حرارت زیادہ ہونے پرپمز منتقل کردیا گیا،135مسافروں اورعملے کے 11 ارکان کوہوٹلوں کے قرنطینہ منتقل کردیا گیا

مسافروں اور پی آئی اے کریو کے خون کے نمونے ہوٹل میں لیے جائیں گے،ٹیسٹ منفی آنےوالے مریضوں افراد کوگھرجانے کی اجازت دی جائے گی.

قبل ازیں حکومت پاکستان نے کورونا وائرس کے پھیلاؤ کو روکنے کیلئے ائیرپورٹس پر مزید سخت اقدامات کرنیکا فیصلہ کیا ہے ۔ بیرون ممالک سے آنیوالے جہاز کے عملے اور تمام مسافروں کو 24 گھنٹے کیلئے قرنطینہ میں رکھا جائیگا۔

ترجمان سول ایوی ایشن کے مطابق آئندہ بین الاقوامی ائیرلائن سے ائیر پورٹ اترنے والے تمام افراد کی پہلے کی طرح سکریننگ کی جائے گی، جس کے بعد جہاز کے عملے سمیت تمام مسافروں کو 24 گھنٹوں کیلئے قرنطینہ میں رکھا جائیگا۔ سب مسافروں کے کورونا ٹیسٹ کیلئے نمونے لئے جائیں گے۔ ٹیسٹ مثبت آنے پر متعلقہ شخص کو قرنطینہ بھیج دیا جائیگا لیکن جن لوگوں کے ٹیسٹ منفی آئیں گے ان کو گھر جانے دیا جائیگا اور انہیں احتیاط کرنے کی ہدایت کی جائیگی