پی آئی اے کی پروازیں منسوخ،تاخیر کا شکار،مسافر پریشان

پاکستان کی قومی ائیر لائن پی آئی اے کی مشکلات کم نہ ہو سکیں، پی آئی اے کا مالی بحران بڑھتا ہی جا رہا ہے، پی آئی اے کی آج بھی متعدد پروازیں منسوخ کر دی گئی ہیں تو کئی پروازیں تاخیر کا شکار ہیں ،پی آئی اے میں بکنگ کروانے والے مسافروں کو سخت پریشانی کا سامنا کرنا پڑ رہا ہے،

ایوی ایشن ذرائع کے مطابق قومی ائیر لائن پی آئی اے کی 10 پروازوں کے شیڈول میں تبدیلی کی گئی ہے،شہر قائد کراچی سے تربت آنے اور جانے والی دو پروازیں منسوخ کی گئی ہیں، لاہور کے لئے اپ اینڈ ڈاؤں کی دو پروازیں پی کے 302،303،کراچی سے اسلام آباد کی دو پروازیں، کراچی سے سکھر کی دو پروازیں اور کراچی سے فیصل آباد ، فیصل آباد سے کراچی کی پرواز کو منسوخ کیا گیا ہے

وفاقی دارالحکومت اسلام آباد سے جدہ کے لئے جانے والی پرواز پی کے 741 ساڑھے چار گھنٹے لیٹ روانہ ہوئی، اسلام آباد سے گلگت جانے والی پرواز بھی لیٹ روانہ ہوائی، اسلام آباد سے کراچی اور لاہور سے ریاض جانے والی پرواز بھی تاخیر کا شکار ہوئی ، پی آئی اے کی پروازوں میں تاخیر کی وجہ سے مسافروں نے احتجاج کیا ہے،

اسلام آباد انٹرنیشنل ایئرپورٹ کے آپریشنز کو آؤٹ سورس کرنے کے لیے پیشگی بولی کا عمل شروع
دوسری جانب پاکستان سول ایوی ایشن اتھارٹی نے پبلک پرائیویٹ پارٹنرشپ ماڈل کے تحت اسلام آباد انٹرنیشنل ایئرپورٹ کے آپریشنز کو آؤٹ سورس کرنے کے لیے پیشگی بولی کا عمل شروع کر دیا ہے ،بولی میں دلچسپی رکھنے والی کمپنیوں کو 26 ستمبر کو بولی سے قبل دبئی میں ہونے والی کانفرنس میں شرکت کے لیے دعوت نامہ جاری کر دیا گیا ہے پی سی اے اے کے مطابق دلچسپی رکھنے والی کمپنیوں کو 19 ستمبر تک ای میل کے ذریعے اپنی حاضری کی تصدیق کرنی ہوگی

 سول ایوی ایشن اتھارٹی (سی اے اے) مدد کیلئے سامنے آگئی

پی آئی اے کی نجکاری کے عمل کو جلد از جلد تکمیل تک پہنچانے کی ہدایت

پائلٹس کی ابتدائی 8 سے 10 ماہ کی تربیت پر 15000 سے 20000 ڈالر کا خرچ

پاکستان کی قومی ایئر لائن پی آئی اے کو مجموعی طور پر 383 بلین کا خسارہ ہے 

سپریم کورٹ نے پی آئی اے کو نئی 205 پروفیشنل بھرتیوں کی اجازت دیدی

ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

پی آئی اے کا قرض اور واجبات 743 ارب روپے سے تجاوز کر گئے

دوسری جانب نگران وزیراعظم انوار الحق کاکڑ نے پاکستان انٹرنیشنل ائیرلائن سے متعلق اجلاس کی صدارت کی،اجلاس میں وزیراعظم کو پی آئی اے کی نج کاری اور دیگر معاملات کے حوالے سے آگاہ کیا گیا ،وزیراعظم نے متعلقہ حکام کو پی آئی اے کی نجکاری کے عمل کو تیز کرنے کی ہدایت کی اور کہا کہ صارفین کو بین الاقوامی معیار کے ہوائی سفر کی فراہمی کے لیے قومی ائیرلائن کی جلد از جلد نجکاری نا گزیر ہے، وزیراعظم نے فواد حسن فواد کو اپنی ٹیم میں شمولیت پر خوش آمدید کہا اور وزارت نجکاری کے زیر نگرانی پی آئی اے کی نجکاری کے عمل کو جلد از جلد تکمیل تک پہنچانے کی ہدایت کی .