خزاں‌ رسیدگی کا موسم، حکومتی پیڑ سے پتے گرنے لگے

حکومت کے لیے خزاں‌رسیدگی کا موسم شروع ہو چکا ہے، حکومتی پیڑ سے پتے گرنے لگے وزیراعظم عمران خان کے معاون خصوصی مستعفی

باغی ٹی وی : سرکاری ٹی وی ’ پی ٹی وی‘ کے سابق مینیجنگ ڈائریکٹر یوسف بیگ مرزا کو 11 دسمبر 2018 کو وزیراعظم کا معاون خصوصی برائے میڈیا مقرر کیا گیا تھا۔وزیراعظم عمران خان کے معاون خصوصی برائے میڈیا یوسف بیگ مرزا عہدے سے مستعفی ہوگئے۔

یوسف بیگ مرزا نے ایک سال سے بھی کم عرصہ گزارنے کے بعداپنے عہدے سے استعفیٰ دیا جس پر سیاسی حلقے حیرت زدہ ہیں۔

ذرائع کا کہنا ہےکہ یوسف بیگ مرزا نے ذاتی وجوہات کی بنا پرعہدے سے استعفیٰ دیا ہے۔یوسف بیگ مرزا عمران خان کے قریبی ساتھیوں میں شمارکیے جاتے ہیں۔واضح رہے کہ اس وقت یہ خبریں گردش کر رہی ہیں‌کہ پی ٹی آئی کے رہنماؤں اور وزراء میں اختلاف پایا جاتا ہے.، اسی طرح خسرو بختیار سے بھی سے بھی قلمدان واپس لے لیا گیا ہے اور اس اسد عمر کو سونپ دیا گیا .