اسلام آباد،مسلم لیگ ن کے سابق چیئرمین بیٹے،گارڈ،ڈرائیور سمیت قتل

باغی ٹی وی کی رپورٹ کے مطابق وفاقی دارالحکومت اسلام آباد میں گولیاں چل گئیں، مسلم لیگ ن کے سابق چیئرمین جھنگی سیداں کی گاڑی پر قاتلانہ حملہ کیا گیا ہے،سابق چیئرمین سید ابرار شاہ تین ساتھوں سمیت قتل کر دیئے گئے

جاں بحق ہونے والوں میں رفاقت،سید علی شیر،صاحب گل شامل ہیں ۔ قتل ہونیوالوں میں سید ابرار شاہ ، انکا بیٹا علی شیر اور ملازم گارڈ،ڈرائیور بھی شامل ہے،سید ابرار شاہ کا بیٹا گاڑی چلا رہا تھا، ابرار شاہ ساتھ بیٹھے تھے ،ڈرائیور اور گارڈ بھی گاڑی میں ہی بیٹھے قتل ہو گئے ،سفر کے دوران گھات لگائے ملزمان نے اندھا دھند فائرنگ کا نشانہ بنایا۔قتل کی لرزہ خیز واردات کے بعد ملزمان موقع سے فرار ہو گئے ہیں،تھانہ شہزاد ٹائون پولیس کی بھاری نفری موقع پر پہنچ گئی ،پولیس نے تحقیقات کا آغاز کر دیا، ترجمان اسلام آباد پولیس کے مطابق علاقہ تھانہ شہزاد ٹاؤن میں سابقہ دشمنی پر فائرنگ سے 4 افراد قتل کئے گئے ہیں،مقتولین کی گاڑی پر ملزمان کی جانب سے فائرنگ کی گئی ہے،ملزمان کی گرفتاری کےلیے ناکہ بندی کرکے ٹیمیں تشکیل دے دی ہیں،ڈی پی او اور پولیس نفری موقع پر موجود ہے

واضح رہے کہ گزشتہ روز بھی اسلام آباد میں فائرنگ کا واقعہ پیش آیا تھا، تھانہ بارہ کہوکی حدود سترہ میل کے علاقہ میں دومسلح افغان باشندوں نے راستہ کے تنازع پر کارمیں سوارمیاں بیوی پراندھا دھند فائرنگ کرکے موت کے گھاٹ اتار دیا جبکہ کار میں سوار بیٹی فائرنگ سے معجزانہ طور پر محفوظ رہی،ملزمان دوہرے قتل کی سنگین واردات کرنے کے بعد موقع سے فرار ہوگئے ، انجینئیر محمدعاصم لانگ اپنی اہلیہ ردائے نور اور کمسن بیٹی سبرینہ کے ساتھ کارمیں گھر پہنچے تھے کہ انہیں پڑوسی مبینہ افغان باشندے شریف اللہ اوراسماعیل نے راستہ نہ دیا جس پر ان کے درمیان تکرار ہوئی،تکرار کے دوران دونوں افغان شہریوں نے گاڑی پر اندھا دھند فائرنگ کردی جس سے میاں بیوی موقع پر ہی جاں بحق ہوگئے،

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

بھارتی اداکارہ نصرت اسرائیل سے پہنچیں ممبئی،بتایا آنکھوں دیکھا حال