ممبئی پولیس کی جانب سے بزنس مین راج کندرا کے گھر پر چھاپے کے دوران اداکارہ شلپا شیٹھی کی شوہر سے ہونے والی تمام گفتگو منظر عام پر لائی گئی ہے-

باغی ٹی وی : بھارتی میڈیا رپورٹس کے مطابق ممبئی کی پولیس نے انکشاف کیا ہے کہ راج کندرا کے گھر چھاپے کے وقت شلپا اپنے شوہر سے جھگڑا کر رہی تھیں اور ان پر اونچی آواز میں چیختے ہوئے کہہ رہی تھیں کہ معاشرے میں ہمارا اچھا مقام ہونے کے باوجود انہوں نے ایسا اقدام کیوں اٹھایا۔

پولیس رپورٹ کے مطابق اداکارہ شلپا شیٹھی کو یہ کہتے سنا گیا کہ ہمارے پاس سب کچھ ہے، تمہیں یہ سب کرنے کی کیا ضرورت تھی۔

فحش فلمیں کیس میں شوہر کے بعد شلپا شیٹھی کےخلاف بھی گھیرا تنگ

پولیس کے مطابق شلپا روتے ہوئے کہہ رہی تھیں کہ انڈسٹری میں ہمارے خاندان کی ساکھ خراب ہوگئی مجھے مالی نقصان کا بھی سامنا کرنا پڑا، اس الزام کی وجہ سے میرے بہت سے پراجیکٹس منسوخ کر دیئے گئے ہیں۔

دوسری جانب ممبئی پولیس کا کہنا ہے کہ تفتیش کے دوران شلپا شیٹھی کے فحش فلمیں بنانے میں ملوث ہونے کے کوئی شواہد نہیں مِلے۔

فحش فلموں کا الزام : شلپا شیٹھی نے خاموشی توڑ دی ، شوہر راج کندرا کے حق میں سامنے…

خیال رہے کہ شلپا شیٹھی کے شوہر راج کندرا کو ممبئی پولیس کی کرائم برانچ نے گرفتار کیا تھا راج کندرا پر الزام تھا کہ وہ فحش فلمیں پروڈیوس کرتے اور انھیں انٹرنیٹ پر فروخت کے لیے پیش بھی کرتے ہیں۔

اداکارہ نے کیس سے متعلق کہا تھا کہ موبائل ایپلیکیشن پر نشر کیا جانے والے مواد فحاشی کے زمرے میں نہیں آتا راج کندرا فحش فلموں کی پروڈکشن میں ملوث نہیں ولیس نے اب تک فحش فلموں کے معاملے میں 11 افراد کو حراست میں لے رکھا ہے جبکہ راج کندرا کے بارے میں کہا جارہاہے کہ وہ سازش کا اہم کردار ہے اور پولیس کے پاس اس حوالے سے واضح ثبوت موجود ہیں ۔

شوہر راج کندرا کے بعد اہلیہ شلپا شیٹھی بھی پولیس کے ریڈار پرآ گئیں