fbpx

پولیس کا جیبیں گرم کرنے کا سلسلہ عروج پر

شیخوپورہ(نمائندہ باغی ٹی وی)حکومت پنجاب کی طرف سے رمضان بازاراور کریانہ سٹور،دودھ فروشوں کو دکانیں کھولنے کی اجازت کے باوجود شہر میں پولیس اور دکانداروں کے درمیان آنکھ مچولی جاری رہی سٹی پولیس نے متعدد دکانداروں کو حراست میں لیکر ان کی دکانیں بند کروا کر انہیں تھانہ لے جانے کی بجائے راستے میں ہی مک مکا کر کے چھوڑنے کا سلسلہ جاری رہا

پولیس اہلکاروں نے 10ہزارورپے لیکر چھوڑنے کا سلسلہ جاری رکھا رمضان المبارک میں بھی پولیس اہلکار بھتہ لیتے رہے اس صورتحال پر دکاندار سراپا احتجاج بن گئے،بتایا گیا ہے کہ شیخوپورہ میں جمعہ اور ہفتہ کو حکومت پنجاب کی طرف سے مکمل لاک ڈاؤن جاری ہے تاہم گزشتہ روز رمضان بازروں سمیت دودھ فروشوں،کریانہ سٹورزکو دکانیں کھولنے کی اجازت ملنے کے باوجود سٹی پولیس نے دکانیں بند کروا دیں اور متعدد دکانداروں کو حراست میں لیکر مک مکا کے بعد چھوڑ دیا تاہم شہر بھر میں لاک ڈاؤن کی خلاف ورزی جاری رہی دکاندار دکانوں کے باہر بیٹھ کر سارا دن شاپنگ کے لیے آنے والے شہریوں کو آدھا شٹر اٹھا کر سودا سلف فروخت کرتے رہے۔

جواب چھوڑیں

آپ کا ای میل ایڈریس شائع نہیں کیا جائے گا.