کیپٹن (ر) صفدر کے خواتین سے متعلق ریمارکس پر سوشل میڈیا پر تنقید، مریم نواز کا بھی ردعمل سامنے آگیا

وزیراعلیٰ پنجاب مریم نواز کے شوہر کیپٹن (ر) صفدر کو خواتین سے متعلق غیر مناسب ریمارکس پر سوشل میڈیا صارفین کی جانب سے تنقید کا سامنا ہے، جبکہ مریم نواز نے بھی شوہر کے بیان پر اپنا ردعمل ظاہر کردیا ہے۔

مریم نواز نے سوشل میڈیا پر اپنے تبصرے کو ‘دل توڑ دینے والا’ کا عنوان دیتے ہوئے لکھا کہ یہ وہ خاموش لڑائی ہے جو ایک عورت اور بیوی بند دروازوں کے پیچھے لڑتی ہے۔

انہوں نے کہا کہ ایک عورت کو اس وقت بھی ہمت سے کام لینا پڑتا ہے جب اسے محسوس ہو کہ وہ اندر سے ٹوٹ رہی ہے۔ کچھ لڑائیاں خاموشی سے لڑی جاتی ہیں اور بعض زخم ایسے ہوتے ہیں جو دکھائی نہیں دیتے۔