پیٹرول کی قیمت برقرار، ڈیزل 2 روپے 29 پیسے فی لیٹر مہنگا کردیا گیا

حکومت نے پیٹرول کی قیمت برقرار رکھنے جبکہ ڈیزل کی قیمت میں اضافے کا اعلان کیا ہے۔

پیٹرولیم ڈویژن کی جانب سے جاری نوٹیفکیشن کے مطابق ڈیزل کی قیمت میں 2 روپے 29 پیسے فی لیٹر اضافہ کیا گیا ہے، جس کے بعد اس کی نئی قیمت 402 روپے 96 پیسے فی لیٹر مقرر ہوگئی ہے۔

نوٹیفکیشن میں بتایا گیا ہے کہ پیٹرول کی قیمت میں کوئی تبدیلی نہیں کی گئی اور اسے 377 روپے 91 پیسے فی لیٹر پر برقرار رکھا گیا ہے، نئی قیمتوں کا اطلاق 31اکتوبر اور یکم نومبر کے لیے ہوگا۔