پاکستان ،سعودی عرب اور ترکیہ اتحاد خطے کی سلامتی کے لیے اہم ہے،وزیراعظم شہباز شریف

وزیراعظم شہباز شریف نے مکہ مشترکہ دفاعی معاہدے پر امریکی صدر کی حمایت کا خیرمقدم کیا ہے۔

سماجی رابطے کی ویب سائٹ ٹروتھ سوشل پر اپنے بیان میں ڈونلڈ ٹرمپ نے کہا کہ سعودی عرب، ترکیہ اور پاکستان نے حال ہی میں اور بالآخر مکہ مشترکہ دفاعی معاہدے پر دستخط کیے ہیں، جو خطے میں باہمی دفاعی تعاون کی جانب اہم قدم ہے۔

امریکی صدر کی جانب سے دئیے گئے بیان پر اب وزیر اعظم شہبازشریف نے سماجی رابطے کی ویب سائٹ ایکس پر پوسٹ کرتے ہوئے کہا ہے کہ سعودی عرب اور ترکیہ کے ساتھ مل کر علاقائی دفاع یقینی بنائیں گے، پاکستان ، سعودی عرب اور ترکیہ اتحاد خطے کی سلامتی کے لیے اہم ہے،ایٹمی تباہی سے بچانے پر صدر ڈونلڈ ٹرمپ کی قیادت کو خراج تحسین پیش کرتے ہیں،صدر ڈونلڈ ٹرمپ کے بروقت اقدامات نے جنوبی ایشیا کو تباہی سے بچایا،پائیدار امن ہی عوام کی خوشحالی اور روشن مستقبل کی ضمانت ہے۔

واضح رہے امریکی صدر ڈونلڈ ٹرمپ نے سعودی عرب، ترکیہ اور پاکستان کے درمیان طے پانے والے مکہ مشترکہ دفاعی معاہدے پر خوشی کا اظہار کرتے ہوئے تینوں ممالک کی قیادت کو مبارکباد دی ہے۔