ایران میں پاکستانی سفیر سے متعلق وائرل ویڈیو بے بنیاد قرار

تہران میں پاکستانی سفارت خانے نے ایران میں تعینات پاکستان کے سفیر عمران احمد صدیقی سے متعلق سوشل میڈیا پر وائرل ہونے والی ویڈیو اور اس حوالے سے گردش کرنے والے دعوؤں کو مسترد کرتے ہوئے انہیں بے بنیاد اور حقائق کے منافی قرار دیا ہے۔

پاکستانی سفارت خانے نے اپنے بیان میں کہا ہے کہ سفیر عمران احمد صدیقی کے بارے میں سوشل میڈیا اور دیگر حلقوں میں بعض خبریں گردش کر رہی ہیں، جن کا سفارت خانے نے نوٹس لیا ہے۔ سفارت خانے نے ان اطلاعات کی واضح اور دوٹوک الفاظ میں تردید کرتے ہوئے کہا ہے کہ یہ رپورٹس مکمل طور پر بے بنیاد اور حقائق کے منافی ہیں، جبکہ ان میں کوئی صداقت نہیں ہے۔