پیر، 16 نومبر، 2026
Baaghi TV Logo
ٹرینڈنگ

ول اسمتھ کے بیٹے کو 82 سالہ فیشن ڈیزائنر سے محبت؟ منگنی کی خبریں وائرل


ہالی ووڈ اداکار ول اسمتھ کے بیٹے جیڈن اسمتھ کی مبینہ منگنی کی خبروں نے سوشل میڈیا پر نئی بحث چھیڑ دی ہے۔ دعویٰ کیا جا رہا ہے کہ 28 سالہ جیڈن اسمتھ نے 82 سالہ فرانسیسی فیشن ڈیزائنر مشیل لامی سے منگنی کرلی ہے، تاہم اس غیر معمولی خبر کی حقیقت تاحال سامنے نہیں آسکی۔


یہ افواہیں 9 نومبر کو اس وقت پھیلنا شروع ہوئیں جب سوشل میڈیا پلیٹ فارم ایکس پر دونوں کی ملاقات کی تصاویر شیئر کی گئیں۔ ان تصاویر کی صداقت پر بھی سوالات اٹھائے جا رہے ہیں۔


معاملہ اس وقت مزید دلچسپ ہوگیا جب ایک اور سوشل میڈیا پوسٹ میں دعویٰ کیا گیا کہ دونوں نے منگنی کرلی ہے اور مشیل لامی اپنی محبت ثابت کرنے کے لیے اپنی 80 فیصد جائیداد جیڈن اسمتھ کے نام کرنے پر تیار ہیں۔ تاہم ان دعوؤں کے حق میں کوئی مستند ثبوت یا باضابطہ اعلان سامنے نہیں آیا۔