وفاقی وزیر سرکاری ٹی وی پر آکر بات کرتا ہے تو ایم ڈی کا کیا قصور ہے؟ عدالت

جاوید لطیف کی پریس کانفرنس سرکاری پی ٹی وی پر نشر کرنے پر درج مقدمہ کے خلاف کیس کی سماعت ہوئی

ہائیکورٹ نے جاوید لطیف کی پی ٹی وی پر پریس کانفرنس کے بعد درج دہشت گردی کے مقدمات پر عمل درآمد روک دیا ، "مدعیوں” کو بھی فریق بنانے کی ہدایت ” کر دی گئی، عدالت نے ریمارکس دیتے ہوئے کہا کہ نیا ٹرینڈ شروع ہو گیا ہے پورے پاکستان میں پرچے درج ہو رہے ہیں اعظم سواتی پر مقدمے بننے پر جو شور مچاتے ہیں خود بھی وہی کر رہے ہیں

جسٹس طارق محمود جہانگیری نے استفسار کیا کہ کون سے وفاقی وزیر کی پریس کانفرنس تھی؟ وکیل نے عدالت میں جواب دیا کہ جاوید لطیف کی جانب سے پریس کانفرنس کی گئی تھی ، عدالت کی ہدایت پر پٹشنرز کے وکیل نے ایف آئی آر کا متن پڑھا، عدالت نے ریمارکس دیتے ہوئے کہا کہ وفاقی وزیر سرکاری ٹی وی پر آکر بات کرتا ہے تو ایم ڈی کا کیا قصور ہے؟ جسٹس طارق محمود جہانگیری نے ریمارکس دیتے ہوئے کہا کہ کوئی بار میں آکر بات کرتا ہے تو کیا بار کے صدر پر مقدمہ درج ہو گا؟ اعظم سواتی پر مقدمے ہوتے ہیں تو یہ شور مچاتے ہیں خود کیا کر رہے ہیں؟ مقدمے میں درخواست گزاروں کو اس درخواست میں فریق بنائیں، یہ طے ہونا چاہیے کہ کیا ایک ٹی وی پروگرام یا وی لاگ پر پورے ملک میں پرچے ہونگے؟

عدالت نے استفسار کیا کہ دہشت گردی کا مقدمہ بنایا گیا کیا یہ دنیا کے ٹاپ کے دہشتگرد ہیں؟ ایڈیشنل اٹارنی جنرل نے کہا کہ پنجاب کے علاوہ باقی صوبوں سے رپورٹس موصول ہو گئیں ہیں،عدالت نے ایڈیشنل اٹارنی جنرل سے استفسار کیا کہ مقدمات کے بارے میں آپ کیا کہتے ہیں؟ ایڈیشنل اٹارنی جنرل نے کہا کہ اٹھارویں ترمیم کے بعد صوبائی پولیس پر وفاق کا کوئی کنٹرول نہیں، عدالت نے کہا کہ صوبائی پولیس پر وفاق کاکیسے کنٹرول نہیں؟ اسلام آباد کے شہریوں کے بھی کچھ حقوق ہیں،یہ نیا ٹرینڈ شروع ہو گیا ہے کہ پورے پاکستان میں پرچے درج ہو رہے ہیں ،اعظم سواتی پر مقدمے بننے پر جو شور مچاتے ہیں وہ خود بھی وہی کر رہے ہیں، یہاں کوئی قانون کوئی ضابطہ ہے؟اسلام آباد ہائیکورٹ نے دونوں مقدمات کے مدعی کو درخواست میں فریق بنانے کا حکم دے دیا،عدالت نے پاکستان بار کونسل، اسلام آباد بار کونسل، ایڈووکیٹ جنرل اسلام آباد کو نوٹسز جاری کر دیئے،عدالت نے سپریم کورٹ بار ایسوسی ایشن اور ہائی کورٹ بار ایسوسی ایشن کے صدور کو معاونت کے لیے نوٹسز جاری کر دیے

آڈیو لیکس، معاملے کی تہہ تک نہ پہنچے تو معاملات اس سے زیادہ بگڑجائیں گے

ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

 عمران خان جھوٹے بیانیے پر سیاست کر رہے ہیں،

 مریم نواز نے عمران خان پر کڑی تنقید