پنجاب کے بڑے شہر سے دہشت گرد گرفتار،شہر کو تباہی سے بچا لیا گیا
باغی ٹی وی کی رپورٹ کے مطابق پنجاب کے اہم شہر کو سی ٹی ڈی نے تباہی سے بچا لیا
سی ٹی ڈی نے کاروائی کرتے ہوئے اوکاڑہسے دو دہشت گردوں کو گرفتار کیا ہے، دہشت گردوں کے قبضے سے بھاری اسلحہ، ہینڈ گرنیڈ، اور دیگر اشیاء برآمد ہوئی ہیں، سی ٹی ڈی نے دہشت گردوں کو گرفتار کر کے مزید تحقیقات کے لئے نامعلوم مقام پر منتقل کر دیا ہے، سی ٹی ڈی حکام کے مطابق دہشت گردوں کو زمان پارک کے قریب سے گرفتار کیا گیا،دونوں دہشت گردوں کا تعلق کالعدم تنظیم سے ہے جن کی شناخت صغیر شاہ اور جبار کے ناموں سے ہوئی ہے
سی ٹی ڈی حکام کے مطابق گرفتار ہونے والے دہشت گردوں میں سے ایک کا تعلق گوجرانوالہ جبکہ دوسرے کا اٹک سے ہے، دہشت گروں کے قبضہ سے ایل ای ڈی بیٹری، الیکٹرک سوئچ بھی برآمد کئے گئے ہیں، گرفتار ملزمان اوکاڑہ میں دہشت گردی کی بڑی کارروائی کرنا چاہتے تھے گرفتار دہشت گردوں کے خلاف سی ٹی ڈی انویسٹی ونگ ساہیوال تھانہ میں مقدمہ درج کر لیا گیا .گرفتاردہشت گردوں کے خلاف دہشت گردی کی دفعات 7 اے ٹی اے سمیت سنگین دفعات کے تحت مقدمہ درج کیا گیا
دوسری جانب سی ٹی ڈی نے چکوال میں کارروائی کے دوران مبینہ دہشت گرد گرفتار کر لیا ہے مبینہ گرفتار دہشت گرد کاتعلق القاعدہ برصغیر گروپ سے ہے گرفتار مبینہ دہشت گرد سے 14 آر پی جی، 2بزوکا لانچر برآمد کئے گئے ہیں، سی ٹی ڈی نے ملزم پر مقدمہ درج کر لیا ہے اور مزید تحقیقات کے لئے نامعلوم مقام پر منتقل کر دیا ہے گرفتار مبینہ دہشت گرد کی نشاندہی پر بارودی مواد، مشین گن اور بم بنانے کا سامان بھی برآمد کر لیا گیا ہے ،سی ٹی ڈی ترجمان کے مطابق برآمد اسلحہ پنجاب میں دہشت گردی کارروائیوں میں استعمال کیا جانا تھا،
قبل ازین سی ٹی ڈی نے صوبہ بلوچستان میں خفیہ اطلاع پر خضدار کے سارونہ میں سرچ آپریشن کیا آپریشن کے نتیجے میں دو دہشت گرد ہلاک ہوگئے ہیں ترجمان کے مطابق ہلاک دہشت گردوں کا تعلق کالعدم تنظیم سے ہے، ہلاک دہشت گردوں کے قبضے سے اسلحہ اور گولہ باردو برآمد ہوا ہے،اس سے قبل لاہور میں سی ٹی ڈی نے موہلنوال میں کارروائی کرتے ہوئے کالعدم تنظیم کے 4 دہشت گرد گرفتار کیا تھا ، کالعدم تنظیم کے گرفتار چاروں دہشت گردوں کا تعلق کراچی سے تھا۔گذشتہ ماہ سی ٹی ڈی نے دیر بالا میں کارروائی کے دوران کالعدم ٹی ٹی پی کا اہم دہشت گرد ہلاک کیا تھا، ہلاک دہشت گرد پولیس اورفورسز پرحملوں میں ملوث تھا
پنجاب میں دہشت گرد عناصر ایک بار پھر متحرک،پانچ اضلاع سے دہشت گرد گرفتار
سی ٹی ڈی کی کاروائی، مردان خود کش حملے کا مرکزی ملزم گرفتار
ایم کیو ایم کے کونسے رہنما لڑکوں کو ٹریننگ کیلئے بھارت بھیجتے تھے؟ ڈی آئی جی سی ٹی ڈی کا انکشاف
پراسیکیوشن کا کمال. مصطفیٰ کمال کے خلاف کرونا پازیٹو مریض بطور گواہ عدالت میں پیش کردیا
ایم کیو ایم وزرا کبھی بھی حکومت نہیں چھوڑیں گے،مصطفیٰ کمال کا دعویٰ
بانی ایم کیو ایم کی ہدایت پر خالد مقبول صدیقی کب بھارت گئے؟ مصطفیٰ کمال نے بڑے انکشافات کر دیئے
کراچی کی عوام کو ایک قطرہ پانی کا نہ دینے والے انقلاب لانے کی بات کر رہے ہیں، مصطفیٰ کمال برس پڑے
کرونا کے باعث نالوں کی صفائی کا کام تاخیرکا شکار ہوا،وزیراعلیٰ سندھ
ایم کیوایم عسکری ونگ کے کارندوں کے بھارتی ایجنسی سے روابط،اہم شخصیت کی طلبی ہو گئی
