اسلام آباد: وفاقی وزیر اطلاعات و نشریات مریم اورنگزیب نے کہا ہے کہ پنجاب میں کمیشن کھانے والوں کے نام ای سی ایل میں ڈالے جائیں گے-
باغی ٹی وی : تفصیلات کے مطابق سابق وزیراعظم عمران خان کی پریس کانفرنس پرردعمل میں کی گئی پریس کانفرنس میں مریم اور نگز یب ے کہا کہ عمران خان مسلسل جھوٹ بول رہے اور سازش کا جھوٹا پروپیگنڈا کر رہے ہیں، انہوں نے 4 سال تک عوام کو لوٹا اور معیشت کو تباہ کیا، اتحادیوں کے چھوڑجانے کے بعد عمران خان کو بیرونی سازش نظر آنے لگی عمران خان نے کئی دن تک مراسلے کو کیوں چھپائے رکھا اور وہ سازش کرنے والے ملک کے نمائندوں سے کیوں ملتے رہے؟ اتحادیوں نے عمران خان کی کرپشن، نااہلی پر ساتھ چھوڑا جبکہ اپنی جماعت کے اراکین رویے کی وجہ سے علیحدہ ہوئے عمران خان عوام کو بے وقوف بنانا بند کریں، قومی سلامتی کمیٹی میں یہ بات سامنے آچکی ہے کہ کوئی سازش نہیں ہوئی، عمران خان نے کشمیر کا سودا کیا۔
آج پھر کہتا ہوں کہ مراسلے سے متعلق جو بھی کہا تھا وہ سچ ہے،عمران خان
انہوں نے کہا کہ الیکشن کمیشن فارن فنڈنگ کیس کا فیصلہ سنانے والا ہے، عمران خان نے الیکشن کمیشن سے اپنے اکاؤنٹس چھپائے، عمران خان شوکت خانم کے نام پارٹی کے لیے فنڈ اکٹھا کرتے رہے ہیں، جس کا پردہ جلد چاک ہوجائے گا انتخابی اصلاحات کا نہ ہونا عمران خان کی نالائقی ہے، اتحادیوں کے چلے جانے کے بعد عمران خان کو نئے انتخابات کی یادآنے لگی، بجلی،آٹا، چینی چور ہمیں لیکچر نہ دیں عمران خان جھوٹا،چور اور منافق شخص ہے، جس نے توشہ خانہ کے تحائف کو ذاتی کاروبار کے لیے استعمال کیا، عوام عمران خان کی اصلیت جان چکے ہیں، انہوں نے کبھی عوام کی بہتری کا نہیں سوچا، ایک کروڑ نوکریوں اور 50 لاکھ گھرو ں کا جھوٹ بولا، عوام کی ادویات اور کورونا فنڈ پر ڈاکا ڈالا، عمران خان کا سازش کا بیانیہ دفن ہوچکا ہے، عمران خان کو فارن فنڈنگ کا حساب دینا پڑے گا۔
مریم اونگزیب نے مزید کہا کہ پنجاب میں کمیشن کھانے والوں کا نام ای سی ایل میں ڈالا جائے گا، عمران خان اپنی حکومت کی کارکردگی عوام کے سامنے رکھیں، عمران خان کو فول پروف سکیورٹی فراہم کی جا رہی ہے، تحریک انصاف کے جلسوں ،ر یلیوں کو سکیورٹی فراہم کریں گے صدر مملکت کا کابینہ اراکین سے حلف لینا اس بات کا ثبوت ہے کہ حکومت آئینی طریقے سے بنی ہے۔
جب تک بلوچستان ترقی میں باقی صوبوں تک نہیں پہنچ جاتا، چین سے نہیں بیٹھوں گا،وزیر اعظم
واضح رہے کہ پریس کانفرنس میں چیئرمین تحریک انصاف عمران خان نے کہا تھا کہ کل نیشنل سیکیورٹی کونسل کے اجلاس میں واضح ہوگیا کہ ہمیں مراسلہ موصول ہوا، کہا تھا کہ مراسلے میں پاکستان کو دھمکی دی گئی جب مراسلے سے متعلق بتایا تو کہاگیا یہ سب جھوٹ ہے،آج پھر کہتا ہوں کہ مراسلے سے متعلق جو بھی کہا تھا وہ سچ ہے،کہا گیا عمران خان کو عدم اعتماد کے ذریعے نہیں ہٹایا گیا توپاکستان کیلئے مشکلات ہوں گی کہا گیا اگر عمران خان کو ہٹادیا گیا تو پاکستان کو معاف کردیں گے، ملک کے وزیراعظم کے خلاف سازش کی گئی،سازش کرنے والوں کو پتہ تھا کہ عمران خان کے بعد کون آئے گا جیسے ہی ہمارے سفیر سے امریکی آفیشل کی میٹنگ ہوئی اگلے ہی دن عدم اعتماد آگئی،عدم اعتماد پیش ہونےکے بعد ہمارے اتحادی اور پارٹی ارکان ہمارے خلاف ہوگئے،سب کو بلایا دیکھیں مراسلہ یہ نہیں آئے ! مراسلہ حقیقت تھا، جو زبان استعمال ہوئی اس میں تکبر تھا، قومی سلامتی کمیٹی نے میری بات کی تصدیق کر دی،
چند ماہ بعد عمران خان خود کہیں گے کہ مراسلے والی بات غلط تھی،مبشر لقمان
عمران خان کا کہنا تھا کہ پاکستان کی تاریخ میں سب سے زیادہ ایکسپورٹ ہوئی،بیرون ملک پاکستانیوں نے سب سے زیادہ زرمبادلہ بھیجا،لندن میں بیٹھ کر نوازشریف نے سازشیں کیں، نیشنل سیکیورٹی کونسل نے تسلیم کرلیا جو ہم نے کہا وہ درست تھا،لندن میں بیٹھ کر نوازشریف نے سازش کی اور چھوٹا بھائی پاکستان میں اس کا حصہ تھا،سازش اس وقت تک کامیاب نہیں ہوسکتی جب تک میر جعفر اور میر صادق ملوث نہ ہوں،سپریم کورٹ سے سارے معاملے پر کھلی سماعت مانگتے ہیں،سپریم کورٹ کو یہ کام اسپیکر کے استعفے کے وقت کرنا چاہیے تھا،مشرف نے دھمکی پر ہاتھ کھڑے کردیئے اور این ار او دے دیا سپریم کورٹ کو اس معاملے کی تحقیقات کرانی چاہیےتھی،جب جنوری سے یہ سارا معاملہ شروع ہوا تھا مجھے بھی خبریں آرہی تھیں، سفارتخانوں نے ان لوگوں کو پہلا بلایا جو لوٹے تھے،ہمیں جنوری سے پتہ چلا کہ کیا سازش ہونے والی ہے، چاہتے ہیں الیکشن کمیشن اور سپریم کورٹ ووٹ بیچنےوالوں کیخلاف سماعت کرے،پنجاب اسمبلی میں جو کچھ ہوا وہ سب کے سامنے ہے،اگر کوئی ایکشن نہیں ہوا تو پیسے لینے والے بچ جائیں گے،آج پورے قوم کو کھڑا ہونا ہوگا، کیونکہ یہ ہمارے مستقبل کا سوال ہے الیکشن کمیشن کو مستعفی ہوجانا چاہے، الیکشن کمیشنر جانبدار آدمی ہے، ہمیں اس پر اعتماد نہیں ہے، اگر ہمارے ادارے آج ہماری خودداری اور آزادی کے ساتھ نہ کھڑے ہوئے تو یہ نا صرف ہماری بلکہ ہمارے بچوں کی آزادی کیلئے بھی بہت بڑا خطرہ ہے-
فارن فنڈنگ کیس، تحریک انصاف نے ایک اور درخواست دائر کر دی
Leave a reply
