فوجی کی بیٹی ہوں ، ملک وقوم کے لیے قربانی دینے کے لیے تیار ہوں‌ ، رابی پیرزادہ نے تو وفا کی حد ہی کردی

لاہور:مقدر کی بات ہوتی ہے ، موت تو آنی ہی ہے اور اگر میدان جہاد میں ملک وقوم کے دفاع میں‌آجائے تو شہادت نصیب ہوجاتی ہے، خوش قسمت ہیں جنہیں دفاع وطن میں موت آئے ، ملک وقوم کی خاطر قربان ہونے کا اعلان کرکے رابی پیر زادہ نے اس ملک اور قوم کے ساتھ وفا کا حق ادا کردیا ، اطلاعات کے مابق گلوکارہ و اداکارہ رابی پیرزادہ نے کہا ہے کہ میں ایک فوجی کی بیٹی ہوں اور میرے ملک کو جب بھی ضرورت پڑی میں سرحدوں پر جا کر اس کا دفاع کروں گی ،کشمیریوں کی لازوال جدوجہد کی وجہ سے آزادی کی منزل زیادہ دور نہیں ۔

گلوکارہ رابی پیر زادہ نے کہا کہ بھارت پاکستانیوں کے جذبے سے اچھی طرح واقف ہے اور وہ ہمارے ملک کی طرف میلی آنکھ سے دیکھنے کی جرات نہیں کر سکتا ۔انہوں نے کہا کہ بھارت کی جانب سے نہتے کشمیریوں کے خلاف بزدلانہ کارروائیاں کی جارہی ہیں اورلاکھوں کی افواج کے مظالم بھی کشمیریوں کے عزم کو متزلزل نہیں کر سکے ۔رابی پیر زادہ نے کہا کہ پاکستانی قوم اپنے کشمیریوں بھائیوں کے شانہ بشانہ ہے اور انشا اللہ ان کی آزادی کی منزل اب زیادہ دور نہیں۔