عید الاضحی پر اصل جانوروں کی بجائے مٹی سے بنے ہوئے جانور ذبح کئے جائیں۔ بھارتی تنظیم کی انوکھی منطق

بھارتی ریاست مدھیا پردیش کے شہر بھوپال میں مسلمان دشمن دائیں بازو کی تنظیم”سنسکرتی بچاو منچ”نےانوکھی منطق پیش کر دی ہے اور کہا ہے کہ عید الاضحی پر اصل جانور ذبح کرنے کی بجائے مٹی سے بنے ہویے جانور ذبح کئے جائیں۔ اپنی دلیل کے حق میں بولتے ہوئے منچ کے کنوینر چندر شیکھر تیواری نے کہا ہے کہ جس طرح ماحول کو خراب ہونے سے بچانے کے لئے دیوالی پر پٹاخے چلانے سے منع کیا جاتا ہے اور ہولی پر رنگ ڈالنے پر پابندی لگ جاتی ہے اسی طرح بڑی عید پر جانور ذبح کرنے پر بھی پابندی لگائی جائے۔ انہوں نے شہر کے بیچ میں مٹی سے بنے ہوئے دو جانور رکھ دئے ہیں اور ان کو ذبح کرنے کو کہا کیا ہے۔