صبا قمر کا اپنا یو ٹیوب چینل لانچ کرنے کا اعلان

دنیا بھر میں پھیلنے والی عالمی وبا کورونا وائرس کی وجہ کئی ممالک نے لاک ڈاؤن نافذ کر رکھا ہے شوبز شخصیات سمیت دیگر لوگ گھروں میں محصور ہو کر رہ گئے ہیں ایسے میں شوبز شخصیات خود کو مصروف رکھنے اور اپنے مداحوں کو محفوظ کرنے کے لئے نئے نئے طریقے ڈھونڈ رہی ہیں کوئی آن لائن کنسرٹ کر رہا ہے کوئی گھر کی صفائی کوئی کھانا بنانا سیکھ رہا ہے تو کوئی سلائی سیکھ رہا ہے

باغی ٹی وی : شوبز شخصیات لاک ڈاؤن میں سوشل میڈیا کے ذریعے اپنے مداحوں سے رابطے میں ہیں اور اپنی دلچسپ سرگرمیوں کی ویڈیوز اور تصاویر شئیر کر کے اپنی مصروفیات شئیر کر رہے ہیں جبکہ مداح بھی اپنے پسندیدہ فنکاروں کی ویڈیوز اور تصاویر سے خوب لطف اندوز ہو رہے ہیں


ایسے میں پاکستان شوبز انڈسٹری کی معروف اداکارہ صبا قمر نے بھی اپنا یوٹیوب چینل لانچ کرنے کا اعلان کیا ہے

سماجی رابطے کی وین سائٹ ٹویٹر پر اداکارہ نے اپنے اس فیصلے کا اعلان کرتے ہوئے لکھا کہ میں آپ لوگوں کے لئے بہت ہی دلچسپ کچھ لا رہی ہوں انہوں نےProductivityinQuarantine #COVID2019 #Youtube # بھی استعما ل کئے

واضح رہے کہ صبا قمر اپنے کیریئر میں کامیڈی، رومانوی اور سنجیدہ ہر طرح کے کردار میں اپنی اداکاری کے جوہر دکھا چکی ہیں

علاوہ ازیں اداکارہ بھارتی فلم ہندی میڈیم میں بھارتی اداکار کے عرفان خان کے ہمراہ کام کر چکی ہیں جس میں ان کی اداکاری کو سراہا گیا

خیال رہے کہ حال ہی میں فیروز خان نے بھی اعلان کیا تھا کہ وہ اپنا یوٹیوب چینل لانچ کرنے جارہے ہیں جہاں وہ مداحوں کے ساتھ مذہبی تعلیمات شیئر کریں گے

جواب چھوڑیں

آپ کا ای میل ایڈریس شائع نہیں کیا جائے گا.