سلمان خان کے گھر کےباہر فائرنگ کرنیوالے گرفتار

بال ووڈ اداکار سلمان خان کے گھر کے باہر فائرنگ کرنے والے ملزمان کو گرفتار کر لیا گیا

ممبئی کرائم برانچ نے کاروائی کی اور دو ملزمان کو گرفتار کر لیا، ملزمان کو گجرات کے علاقہ بھوج سے گرفتار کیا گیا ہے، ملزمان کی شناخت وکی گپتا اور ساگر پال کے طور پر ہوئی، ملزمان کو تحقیقات کے لئے ممبئی منتقل کیا جائے گا،ملزمان کا تعلق بہار سے ہے

سلمان خان کے گھر کے باہر فائرنگ کیوں کی تھی؟ ملزمان کا ابتدائی بیان
ملزمان نے دوران تحقیقات پولیس کو بتایا کہ سلمان خان کے گھر فائرنگ کے لئے انہیں جیل میں قید گینگسٹر لارنس بشنوئی کا کہا تھا، فائرنگ کےبدلے انہیں پیسے ملے تھے، فائرنگ کے واقعہ کے بعد وہ یہان سے گئے اور جس پستول سے گولیاں چلائیں تھیں اسکو دریا میں پھینک دیا تھا،پولیس حکام کے مطابق ملزمان کا کہنا ہے کہ فائرنگ کا مقصد سلمان خان کو نقصان پہنچانا نہیں بلکہ صرف خوف پھیلانا تھاجس میں وہ کامیاب ہوئے ہیں.

سلمان خان کے گھر کے باہر فائرنگ اتوار کی صبح 5 بجے ہوئی تھی، دو نامعلوم افراد نے باندرہ کے گلیکسی اپارٹمنٹس کے باہر فائرنگ کی تھی،واقعہ کے بعد گینگسٹر لارنس بشنوئی کے بھائی انمول بشنوئی نے سوشل میڈیا پوسٹ کے ذریعے فائرنگ کی ذمہ داری قبول کی تھی اور کہا تھا کہ یہ صرف ٹریلر ہے،نومبر 2022 سے، گینگسٹر لارنس بشنوئی اور گولڈی برار کی دھمکیوں کے بعد سلمان خان کی سیکیورٹی بڑھا دی گئی تھی ،سلمان خان کو ذاتی اسلحہ رکھنے کا بھی اختیار دیا گیا تھا

علاوہ ازیں سلمان خان کے گھر پر فائرنگ کی سی سی ٹی وی فوٹیج سامنے آئی،جس میں دیکھا گیا ہے کہ حملہ کرنے والے دونوں ملزمان نے ٹوپیاں پہن رکھی تھیں اور ہاتھ میں بیگ بھی اٹھایا ہوا تھا ،فائرنگ سے قبل حملہ آوروں نے سلمان خان کی رہائشگاہ کے اطراف کا جائزہ لیا اور موقع ملتے ہی فائرنگ کر دی

واضح رہے کہ اتوار کے روز اداکار کی رہائشگاہ کے باہر موٹرسائیکل سوار 2 نامعلوم افراد کی جانب سے سلمان خان کے گھر کے باہر فائرنگ کی گئی، جس میں کوئی جانی نقصان نہیں ہوا، تاہم واقعے کے بعد علاقے میں خوف و ہراس پھیل گیا۔

 سلمان خان کے گھر کے باہر جمع ہونے والے مداحوں پر بھارتی پولیس نے لاٹھی چارج شروع کردیا۔

سلمان خان نے اپنی بہن ارپیتا کو کیا گفٹ دیا جان کر رہ جائیں گے آپ حیران

عمران اشرف کی فلم نہیں دیکھوں گا فہد مصطفی نے آن ائیر کہہ دیا

میں گھر میں جھاڑو لگاتا اور برتن دھوتا رہا ہوں عاصم اظہر کا انکشاف

ظفری خان اہم وڈیو پیغام بولے اپنے نام کے جعلی اکاوئنٹس کی تفصیلات شئیر کیں

واضح رہے کہ اس سے قبل بھی لارنس بشنوئی گینگ کی جانب سے کئی مرتبہ سلمان خان کو جان سے مارنے کی دھمکی دی جا چکی ہے اداکار کو ممبئی پولیس نے وائی لیول سیکیورٹی فراہم کی ہوئی ہے جبکہ ان کے ذاتی گارڈز بھی ان کے ساتھ ہر وقت موجود رہتے ہیں۔

گولڈی برار کےقریبی ساتھی لارنس بشنوئی کی جانب سےبھی چند ماہ قبل سلمان خان کو قتل کی دھمکیاں دی گئی تھیں سلمان خان کے قریبی دوست کو بھیجی گئی ای میل میں کہا گیا تھا کہ ہم تمھارے باس (سلمان خان) سے بات کرنا چاہتے ہیں، یقیناً اس نے لارنش بشنوئی کا انٹرویو دیکھا ہو گا، اگر نہیں دیکھا تو اسے دکھا دو، اگر وہ اس معاملے کو ختم کرنا چاہتا ہے تو اسے گولڈی برار سے بات کرنی چاہیے، اگر سلمان خان بالمشانہ ملاقات کرنا چاہتا ہے تو ہمیں بتا دے، اس مرتبہ ہم تمھیں اطلاع کر رہے ہیں لیکن اگلی مرتبہ حیرانی ہو گی۔