fbpx

کورونا وائرس: سعودی عرب کا یو اے ای سمیت 3 ممالک سے سفری پابندیاں اٹھانے کا اعلان

ریاض: سعودی عرب نے کورونا وائرس کے پیش نظر متحدہ عرب امارات سمیت تین ممالک کے لیے سفری پابندیاں اٹھانے کا اعلان کردیا ہے۔

باغی ٹی وی : عرب میڈیا کےمطابق سعودی عرب نے متحدہ عرب امارات، جنوبی افریقہ اور ارجنٹائن کے لیے سفری پابندیاں اٹھانے کا اعلان کردیا ہے جن تین ممالک کے لیے سفری پابندیاں اٹھائی گئی ہیں ان کے لیے ملک کی بری، بحری اور فضائی سرحدیں کھول دی جائیں گی۔

سعودی عرب کی جانب سے کہا گیا ہے کہ متحدہ عرب امارات، جنوبی افریقہ اور ارجنٹائن کے لیے مقامی وقت کے مطابق کل صبح 11 بجے سے عائد سفری پابندیاں اٹھا لی جائیں گی۔

برٹش ایئرویز کا سستی ایئر لائن شروع کرنے کا منصوبہ

واضح رہے کہ رواں سال جولائی میں سعودی عرب نے متحدہ عرب امارات (یو اے ای) سمیت متعدد ممالک پر سفری پابندیوں کا فیصلہ کیا تھا سعودی عرب کی وزارت داخلہ نے اعلان کیا تھا کہ عالمی وبا کورونا وائرس کے خطرے کے پیش نظر بعض ممالک کے لیے سفر کو محدود کیا گیا ہے ان ممالک کے سفر کے خواہش مند افراد کو پہلے مجاز حکام سے اجازت لینا ہو گی۔

رپورٹ کے مطابق ایتھوپیا، ویتنام، متحدہ عرب امارات اور افغانستان سے آنے والے مسافروں کی سعودی عرب میں داخلے پر پابندی لگائی گئی تھی تاہم کہا گیا تھا کہ ایسے مسافر جو مملکت میں داخلے سے قبل 14 دن کے قرنطینہ کے عمل سے گذر چکے ہوں انہیں سعودی عرب میں آنے سے نہیں روکا جائےگا۔

ایئرعربیہ نے پاکستانی کمپنی کے ساتھ ملکر نئی ائیر لائن ’فلائی جناح ‘ کے قیام کا…

Facebook Notice for EU! You need to login to view and post FB Comments!