مکہ مکرمہ:شاہ سلمان نے سانحہ کرائسٹ چرچ کے 200 خاندانوں کی میزبانی کا حکم

مکہ مکرمہ :سعودی فرمانرواکا سانحہ کرائسٹ چرچ کے متاثرہ 200خاندانوں کی میزبانی کا حکم.سعودی وزارت خارجہ نے اس سلسلے میں کیوی حکومت کو پیغام بھیج دیا ہے. تفصیلات کے مطابق سعودی عرب کے فرمانروا سلمان بن عبد العزیز نے نیوزی لینڈ میں کرائسٹ چرچ مسجد میں فائرنگ کے واقعہ کے متاثرہ دو سو خاندانوں کی میزبانی کا حکم دیا ہے اور ساتھ ہی اس سلسلے میں اقدامات کرنے کا حکم بھی دے دیا ہے. ۔

یاد رہے کہ ہر سال خادم الحرمین شریفین دنیا بھر کے مظلوم مسلمانوں کو اس موقع پر حرمین شریفین کی زیارت کے لیے سعودی عرب سرکاری خرچے پر بلاتے ہیں. سانحہ کرائسٹ چرچ سے متعلق یہ اقدام حج عازمین اور عمرہ زائرین کے شاہی مہمان پروگرام کا حصہ ہے جس کی نگرانی اسلامی امور کی وزارت کرتی ہے اور اس پر عملدرآمد کراتی ہے