شاہد خاقان عباسی کے ریمانڈ میں ایک بار پھر توسیع، عدالت نے کیا حکم دیا؟

0
13

شاہد خاقان عباسی کے ریمانڈ میں ایک بار پھر توسیع، عدالت نے کیا حکم دیا؟

باغی ٹی وی کی رپورٹ کے مطابق ایل این جی ریفرنس کی احتساب عدالت میں سماعت ہوئی، سابق وزیراعظم شاہد خاقان عباسی،مفتاح اسماعیل کواحتساب عدالت پہنچایا گیا،حسین داود، عظمیٰ عادل سمیت دیگر نامزد ملزمان عدالت میں پیش نہ ہوئے،عدالت نے ملزموں کے جوڈیشل ریمانڈ میں20 دن کی توسیع کر دی، احتساب عدالت اسلام آباد نے 6 جنوری کو تمام ملزمان کو پیش کرنےکا حکم دے دیا،عدالت نے ملزموں کے جوڈیشل ریمانڈ میں6جنوری تک توسیع کردی

نیب راولپنڈی نے احتساب عدالت اسلام آباد میں ایل این جی کیس کاریفرنس دائر کر دیا،ریفرنس شاہد خاقان عباسی اورمفتاح اسماعیل سمیت 9ملزمان کے خلاف دائر کیا گیا،

ریفرنس میں کہا گیا کہ ایک کمپنی کو 21ارب روپے سے زائد کا فائدہ پہنچایا گیا،فائدہ مارچ 2015سے ستمبر 2019 تک پہنچایا گیا، فائدہ پہنچانے سے 2029 تک قومی خزانے کو 47 ارب روپے کا نقصان ہو گا،معاہدے کے باعث عوام پر گیس بل کی مد میں 68ارب روپے سے زائد کا بوجھ پڑے گا،سابق ایم ڈی شیخ عمران الحق نے معاہدے میں اہم کردار ادا کیا،

حکومت اس مسئلے کو فوری حل کرے ورنہ…..شاہد خاقان عباسی نے کیا کہہ دیا

سابق وزیرخزانہ مفتاح اسماعیل کا نام بھی ملزمان کی فہرست میں شامل ہے،نیب ریفرنس کے مطابق سابق سیکریٹری اورایم ڈی پٹرولیم اہم گواہ بن گئے، شاہدخاقان سمیت 9 ملزمان کے نام ای سی ایل میں شامل ہیں، نیب راولپنڈی قطرمعاہدے کی الگ انکوائری کررہا ہے

واضح رہے کہ شاہد خاقان عباسی کے خلاف دائر ریفرنس کی منظوری چیئرمین نیب جسٹس ر جاوید اقبال نے دی جس کے بعد ریفرنس عدالت میں دائر کر دیا گیا ہے، گزشتہ سماعت پر عدالت نے ریفرنس دائر کرنے کا حکم دیا تھا آج عدالت نے عباسی کے جوڈیشل ریمانڈ میں 14 روز کی توسیع کر دی ہے.

Leave a reply