fbpx

شیرآیا شیرآیا مگرشیراپنی خصلت سے باز نہ آیا:گجرات میں پالتو شیر نے11سالہ بچے کوکاٹ لیا

گجرات :شیراپنی خصلت سے باز نہ آیا:گجرات میں پالتو شیر نے 11سالہ بچے کو کاٹ لیا ،اطلاعات ہیں‌ کہ شہر گجرات کے علاقے عدووال میں پالتو شیر نے 11سالہ بچے کو کاٹ لیا۔

ریسکیو ذرائع کے مطابق شیر نے بچے کے بازوپرکاٹا جس کے باعث بچے کو زخمی حالت میں اسپتال منتقل کردیا گیا۔متاثرہ بچے کا بیان میں کہنا تھاکہ کزن کے ساتھ ڈیرے پرشیردیکھنے گیاتھا، پنجرے کے قریب گیا تو شیر نے کاٹ لیا۔

دوسری جانب پولیس کے مطابق وائلڈ لائف ایکٹ کےتحت مقدمہ درج کرکے ایک شخص کو گرفتار کرلیا گیا۔پولیس کا کہنا ہے کہ مقدمہ زمیندار اور 2 ملازمین کے خلاف درج کیا گیا ہے جبکہ گرفتار شخص فیاض زمیندارکا ملازم ہے۔

یاد رہے کہ اس سے پہلے یمن میں ایک چڑیا گھر کے اندر ایک شیر نے دو سالہ بچی پر حملہ کر کے اسے زخمی کر دیا۔ یہ واقعہ ملک کے وسطی صوبے اِب میں پیش آیا۔

مقامی ذرائع کے مطابق دنیا ادریس نامی بچی نے شیر کے پنجرے کے اندر اپنا ہاتھ داخل کر دیا۔ اس پر شیر نے بچی کے بائیں ہاتھ پر کاٹ لیا۔ جب یہ واقعہ پیش آیا تو بچی کا باپ اپنی بیٹی کی تصویر لینے میں مصروف تھا۔

 

 

مذکورہ ذرائع نے بتایا کہ ننھی بچی کو فوری طور پر ہسپتال منتقل کر کے اسے ہنگامی طبی امداد دی گئی۔

انسانی حقوق کے حلقوں نے واقعے کا ذمے دار بچی کے باپ اور (حوثیوں کے زیر انتظام) چڑیا گھر کی انتظامیہ کو قرار دیا ہے۔ حلقوں کے مطابق اس نوعیت کے درندوں کے واسطے پنجرے کا انتظام نامناسب تھا۔ بچوں کو جانوروں کے پنجروں سے مزید فاصلے پر رکھا جانا چاہیے۔

Facebook Notice for EU! You need to login to view and post FB Comments!