fbpx

سندھ ہائیکورٹ میں بلدیاتی ایکٹ کیخلاف درخواست دائر

کراچی: امیر جماعت اسلامی کراچی حافظ نعیم الرحمان نے سندھ ہائیکورٹ میں بلدیاتی ایکٹ کیخلاف درخواست دائر کردی-

باغی ٹی وی : امیر جماعت اسلامی حافظ نعیم الرحمان نے درخواست میں موقف اپنایا کہ سندھ حکومت کی جانب سے 11 دسمبر 2021 کو پاس گیا نیا بلدیاتی ایکٹ غیر قانونی ہے اور آئین کے آرٹیکل 140 اے کی خلاف ورزی ہے، اس ایکٹ پر سندھ حکومت کو عمل درآمد کرنے سے روکا جائے۔

اسد عمر کی پریس کانفرنس میں پی ٹی آئی کارکنان کا احتجاج

درخواست دائر کرنے کے بعد امیر جماعت اسلامی کراچی حافظ نعیم نے میڈیا سے گفتگو میں کہا کہ سندھ لوکل گورنمنٹ ایکٹ آئین سے متصادم ہے سندھ حکومت اکثریت کے باوجود آئین سے متصادم قانون سازی نہیں کرسکتی کراچی کی معیشت پاکستان کے لیئے سب سے اہم ہے، سندھ کے ٹیکس کے نظام میں 95 فیصد کراچی ادا کرتا ہے۔

امیر جماعت اسلامی نے کہا کہ کراچی کو بلدیاتی حکومت کا اسٹیٹس ملنا چاہیے جو 2001 میں تھا، جب میئر کراچی کے ماتحت کے ڈی اے کو دیا گیا تھا، تعلیمی ادارے بھی شہری حکومت کے ماتحت تھےنعمت اللہ خان نے اسکولوں کو اپ گریڈ کیا اور زبردست نظام بننا شروع ہوگیا تھا۔ پھر پیپلز پارٹی نے قبضہ شروع کیا، تعلیمی اداروں کے ساتھ ساتھ اسپتالوں پر بھی قبضہ کرلیا ہے عباسی شہید اسپتال، کے ایم ڈی سی اور دل کا اسپتال سب پر قبضہ کرلیا۔

ناظم جوکھیو کیس:خاندان قاتلوں سے صلح کرتا ہے تو وفاقی حکومت اس کیس کو آگے بڑھائے گی

امیر جماعت اسلامی نے کہا کہ دھرنا دینا ہمارا آئینی و جمہوری حق ہےعدالتوں سے رجوع بھی جمہوری حق ہے، ہم اپنے حق سے دستبردار نہیں ہوسکتے۔ ججز اور عدالتوں کے فیصلوں پر بات ہوسکتی ہے بحیثیت ادارہ ہم عدالتوں کا احترام کرتے ہیں۔ دھرنے پر حکومت کی طرف سے رابطہ ہوا ہےجب تک وہ اپنے فیصلہ پر نظرثانی نہیں کرتے دھرنا جاری رہے گا ہمارے پاس سی ایم ہاؤس جانے سمیت تمام آپشنز موجود ہیں۔

انہوں نے مزید کہا کہ کراچی کو حق دلوانے کیلئے تمام حدوں تک جائیں گے جن اپوزیشن جماعتوں کے پاس زیادہ نشستیں ہیں وہ عوام کیلئے بات ہی نہیں کرتے۔ اس شہر میں ہزاروں ہڑتالیں ہوئی ہیں مگر بلدیاتی نظام اور پانی یا بجلی کے مسئلے پر کوئی ہڑتال نہیں کی گئی –

اپوزیشن کے لانگ مارچ کی آخری منزل اڈیالہ جیل ہے ،فرخ حبیب

امیر جماعت اسلامی نے کہا کہ قبضہ کرنے کی سوچ بھی لسانیت کی بنیاد پرہے کرپشن کی بنیاد پر قبضہ شروع کیا گیا عدالتوں سےتوقع ہےکہ جلد اس درخواست کا فیصلہ کریں گی اگر عدالت میں انصاف میں تاخیر ہوگی تو پیپلز پارٹی کی فسطائیت میں تیزی آئے گی کراچی کے وسائل پر قبضہ کرلیا گیا ہے۔

واضح رہے کہ گزشتہ روز پاکستان تحریک انصاف (پی ٹی آئی) کے جنر ل سیکریٹری و وفاقی وزیر منصوبہ بندی اسد عمر نے کہاتھا کہ ہم سندھ کے نئے بلدیاتی ایکٹ کے خلاف قانون اور عدلیہ کا سہارا لیں گے۔

غیرقانونی بھرتیاں:لاہورہائی کورٹ نے وزیراعظم کو نوٹس جاری کردیا

انصاف ہاؤس میں پی ٹی آئی کے رہنماؤں اور ارکان اسمبلی کے ہمراہ پریس کانفرنس سے خطاب کرتے ہوئے اسد عمر نے کہا تھا کہ 18 ویں ترمیم کے تحت صوبوں کو زیادہ اختیار دیا گیا، ضروری ہے کہ سارا پاکستان اسلام آباد سے نہ چلایا جائے اختیارات کی نچلی سطح تک منتقلی نہ ہوئے تو کہیں نہ کہیں بے چینی رہے گی، پاکستان کی سالمیت اور جمہوریت کے استحکام کے لیے آئین کے مطابق بااختیار بلدیاتی نظام ضروری ہے-

وفاقی وزیر نے عندیہ دیا تھا کہ نئے قانون کے خلاف عدالتی چارہ جوئی کریں گے پٹیشن تیار کررہے ہیں، ہم سندھ کے نئے بلدیاتی ایکٹ کے خلاف قانون اور عدلیہ کا سہارا لیں گے اور سندھ کے عوام کے حق کے لیے ہر ممکن اقدامات کریں گے۔

کراچی میں کورونا کیسز میں اضافہ، وزیراعلیٰ سندھ نے اہم ہدایت جاری کردی

Facebook Notice for EU! You need to login to view and post FB Comments!