"سافٹ بلاک” ٹوئٹر کا صارفین کے لئے نیا پرائیویسی فیچر

سماجی رابطے کی ویب سائٹ ٹوئٹرنے اپنے صارفین کے لیے پرائیوسی فیچر متعارف کرایا ہے-

باغی ٹی وی : ٹوئٹر انتظامیہ کے مطابق صارفین اپنے کسی فولور سے تنگ ہیں تو وہ بڑے آرام سے اسے اپنے فولورز کی لسٹ سے ہٹا سکیں گے جس کا نوٹیفکیشن بھی اس شخص کو موصول نہیں ہوگا جبکہ لسٹ سے نکالے گئے افراد اپنی ٹائم لائن میں آپ کی ٹوئٹس نہیں دیکھ سکیں گے مگر ان کے پاس ڈائریکٹ میسج کا آپشن ضرور ہوگا۔

واٹس ایپ،فیسبک، انسٹاگرام ڈاؤن: ٹوئٹر خوش، معروف کمپنیوں کے دلچسپ ٹوئٹس

کمپنی کے مطابق لسٹ سے ہٹانے والے صارفین کو آگاہ نہیں کیا جائے گا جبکہ وہ دوبارہ اس صورت میں فالو کرسکیں گے اگر آپ نے انہیں بلاک نہیں کیا ہوگا اس فیچر کی آزمائش ایک ماہ سے جاری تھی اور اب اسے متعارف کرایا گیا ہے اس فیچر کو سافٹ بلاک کا نام دیا گیا ہے۔

rolling out to everyone on the web today👇 https://t.co/Nqhhf2q2fo

— Twitter Safety (@TwitterSafety) October 11, 2021

اس سے پہلے صارفین کے پاس ان فولو کا آپشن نہیں تھا بلکہ انہیں اس کے لیے اس مخصوص شخص کو بلاک کرنا پڑتا تھا۔

ٹویٹر اکاؤنٹ کی تصدیق کیسے کروائیں، تحریر:ام سلمیٰ

اس فیچر کو استعمال کرنے کا طریقہ:

اس فیچر کے استعمال کے لیے صارفین کو اپنی پروفائل میں فولورز میں جانا ہوگا اور وہاں تھری ڈاٹ آئیکن پر کلک کرنا ہوگا اور وہاں فالوور کو ہٹانے والے آپشن کا انتخاب کرنا ہوگا فیچر کے تحت ان فولو کرنے والوں کو نوٹیفیکشن نہیں بھیجا جائے گا جس سے اسے یہ پتہ چل سکے کہ وہ لسٹ سے نکالا جا چکا ہے لیکن اگر اسے یہ معلوم ہو جاتا ہے تو وہ دوبارہ فولو کر سکتا ہے۔

ٹوئٹر کی اپنے صارفین کے لئے نئے پرائیوسی فیچر کی آزمائش