تعمیر نو اور بحالی کے پلان کو مزید جامع اور مربوط بنایا جائے. ڈپٹی چیئرمین این ایف آر سی احسن اقبال کی ہدایت

0
29
flood

تعمیر نو اور بحالی کے پلان کو مزید جامع اور مربوط بنایا جائے. ڈپٹی چیئرمین این ایف آر سی احسن اقبال کی ہدایت

وفاقی وزیر برائے منصوبہ بندی و ترقی ڈپٹی چیئرمین نیشنل فلڈ ریسپانس کورڈینیشن سینٹر پروفیسر احسن اقبال کی زیر صدارت این ایف آر سی سی کا اجلاس منعقد ہوا جس میں سیلاب کے بعد بحالی و تعمیر نو کے مختصر اور طویل المدتی منصوبوں کے پلان پر تبادلہ خیال کیا گیا ہے. اجلاس میں قدرتی آفات کے بعد متاثرہ علاقوں میں اعداد و شمار اکھٹا کرنے کے میکنزم کے حوالے سے بھی بات چیت کی گئی.

، ڈپٹی چیئرمین احسن اقبال نے ہدایت کرتے ہوئے کہا کہ تعمیر نو اور بحالی کے پلان کو مزید جامع اور مربوط بنایا جائے. نیشنل فلڈ ریسپانس کورڈینیشن سینٹر کے جاری کردہ اعلامیہ کے مطابق؛ بحالی و تعمیر نو کے منصوبوں کو مستقل بنیادوں پر فالو اپ ضروری ہے. اور سیلاب زدہ علاقوں میں نقصانات اور ضروریات کے تخمینے کے اعداد و شمار کو مردم شماری کے ڈیٹا سے مربوط کیا جائے.
مزید یہ بھی پڑھیں؛ ایم این اے جتنے پیسے الیکشن سیٹ پر خرچ کرتے اتنی تو مجھے تنخواھ ملتی تھی۔ شہباز گل
صوفیہ مرزا کی سابق شوہر عمرفاروق کیخلاف میڈیا میں آنے پر پابندی کی التجا عدالت نے انکار کردیا
جامشورو:انڈس ہائی وے پرٹرالراوربس میں تصادم سے10 افراد جاں بحق،13 زخمی
اس اجلاس میں ہدایت کی گئی کہ فورم کی جانب سے دریائوں کے قریب فشریز فارمز کو پہنچنے والے نقصانات کا تخمینہ لگایا جائے اور فورم کی جانب سے سیلاب زدہ علاقوں میں سیاحت کو پہنچنے والے نقصان کے تخمینے کا بھی اندازہ لگایا جائے. بریفنگ میں بتایا گیا کہ گزشتہ 24 گھنٹوں میں سندھ میں مزید ایک شخص جاں بحق ہوا ہے جبکہ گزشتہ چوبیس گھنٹوں میں انفراسٹرکچر کو کوئی نقصان نہیں پہنچاہے . ایچ ای سی نے اس اجلاس میں بتایا کہ 63 جامعات نے 85 ہزار 120 فوڈ پیکس تقسیم کئے ہیں اور سیلاب زدگان کی مدد کے لیے 84 جامعات کے 20 لاکھ طلباء کو موبلائز کر رہے ہیں.

این ایف آر سی سی کے جاری کردہ اعلامیہ مزید کہا گیا کہ؛ امدادی سرگرمیوں میں اچھی کارکردگی دکھانے والی جامعات اور طلباء کو اعزازی شیلڈز دی جائیں گی.

Leave a reply