پاکستانی فلم”سچ“اپنےآپ کوسچ ثابت کرنےکےلیےپھرمیدان میں اترےگی

لاہور:پاکستانی فلم”سچ“اپنےآپ کوسچ ثابت کرنےکےلیےپھرمیدان میں اترےگی ،اطلاعات کے مطابق سکاٹ لینڈ میں بنی پاکستانی فلم ” سچ “کو دوبارہ سے شہر لاہور سمیت ملک بھر میں نمائش کے لئے پیش کی جائے گی، فلم کامرکزی کردار سکاٹ لینڈ میں مقیم پاکستانی اداکارہ ماڈل ایلی سی اوراداکار اسد زمان نے نبھایا ہے۔

تفصیلات کے مطابق سکاٹ لینڈ میں بنی پاکستانی میگا بجٹ کی فلم ” سچ“جس کو پچھلے سال دوہزار انیس میں نمائش کے لئے ریلیز کیا گیا تھا اب اسے دوبارہ سے سینما گھروں میں نمائش کے لئے پیش کیا جارہا ہے ۔فلم کی کاسٹ میں سکاٹ لینڈ میں مقیم پاکستانی اداکارہ و ماڈل ایلی سی ،اداکار اسد زمان،ہمایوں اشرف،جاوید شیخ،عظمیٰ گیلانی،نعمان مسعود،عائشہ ثناءاور فضیلہ قاضی شامل ہیں ۔

جبکہ فلم رومانٹک میوزیکل کہانی پر مبنی ہے جسے بڑی خوبصورتی سے فلمایا گیا ہے ۔فلم مکمل طور پر سکاٹ لینڈ میں شوٹ کی گئی ہے جسے ذوالفقار شیخ نے ڈائیریکٹ کیا ہے ۔ سینما گھروں میں فلموں کی کمی کے باعث دوبارہ سے اسے ریلیز کیاجائے گا جس کی تیاریاں شروع ہوگئیں ہیں۔