حکومت کی جانب سےٹورازم کوریڈورپروجیکٹ کا جائزہ لیا جارہا ہے:وزیراعظم آزادکشمیر

مظفرآباد:ریاست کو اللہ تعالیٰ نے بہت سے سیاحتی مقامات سے نوازا ہے اب ان مقامات کودنیا کے لیے عام کرنے کے لیے بڑی سطح پر منصوبہ سازی کی جارہی ہے، اس حوالے سےوزیراعظم آزاد جموں کشمیر سردار تنویرالیاس خان نے ریاست میں اس کی اہمیت اجاگر کرتے ہوئےکہا ہے کہ سیاحت کو بطور صنعت پروان چڑھانے کی ضرورت ہے تاہم ماحولیات کے تحفظ اور جنگلات کی حفاظت کےلیے کوئی کمی نہیں چھوڑی جائے گی۔

پاکستان اورعراق کے درمیان سیاحت ، مفاہمت کی یادداشت پر دستخط 

آزاد کشمیر میں سیاحت کے فروغ کے لیے کیا اقدامات کیے جارہےہیں ، اس سے متعلق اسلام آباد میں صحافیوں سے بات کرتےہوئے وزیراعظم آزاد جموں کشمیر سردار تنویرالیاس خان نے کہا کہ ٹورازم اتھارٹی کا قیام سرمایہ کاروں کو ون ونڈو آپریشن کے ذریعے بہتر سہولیات فراہم کرنا ہے۔

وزیراعظم آزادکشمیر نے اپنی ترجیحات بتاتے ہوئے کہا کہ حکومت سیاحت کا فروغ نہ صرف خطے کی معاشی صورتحال کو بہتر کرے گی ، وزیراعظم ازادکشمیر سردار تنویرالیاس نے کہا ہے کہ یہ منصوبہ بےروزگاراور پڑھے لکھے نوجوانوں کو روزگار کے ان گنت مواقع بھی فراہم کرےگا۔وزیراعظم آزادجموں کشمیر نے کہا کہ حکومت کی جانب سے ٹورازم کوریڈور پروجیکٹ کا جائزہ لیا جارہا ہے تاہم اس میں مزید بہتری لائی جاسکے۔

شہریوں کو آئندہ ہفتے سیاحتی مقامات کی طرف جانے سے گریز کرنے کی ہدایت

سردار تنویرالیاس کا کہنا تھا کہ سیاحتی مقامات پر حکومت کی جانب سے مقامی آبادی اور سرمایہ کاروں کو مکمل تحفظ فراہم کیا جائے گا۔ سیاحوں کی تفریحی مقامات تک باآسانی رسائی کےلیے حکومت نے اقدامات تیز کردئیے ہیں۔اس کےعلاوہ دریاؤں اورجھیلوں کے کنارے نئے سیاحتی اور تفریحی مقامات قائم کئے جائے گے تاکہ سیاحت کو مزید آگے لے جایا جاسکے۔

ملک میں سیاحت کا فروغ حکومت کی اولین ترجیحات میں شامل ہے، وزیرِ اعظم

انھوں نے واضح کیا کہ کوئی بھی ایسا منصوبہ جو جنگلی حیات اور قدرتی ماحول کو نقصان پہنچائے،اس کی اجازت نہیں دی جائے گی۔

یاد رہے کہ سابق وزیراعظم عمران خان نے پاکستان کے سیاحتی مقامات کوبین الاقوامی معیار کی طرز پربنانے کے لیے بڑے اقدامات کا اعلان کیا تھا ، سردار تنویر الیاس نے انہیں ترجیحات پر ریاست میں سیاحت کو فروغ دینے کے لیےنئے انقلابی منصوبے کی بنیاد رکھی ہے