شیخوپورہ میں کرونا کے دو مریض جاں بحق

0
30

شیخوپورہ(نمائندہ باغی ٹی وی) شیخوپورہ سے ہمارے نمائندہ کے مطابق 24 گھنٹوں کے دوران ڈسٹرکٹ ہیڈ کوارٹر ہسپتال میں زیر علاج کورونا پازیٹیو کے 2 مریض انتقال کر گئے ہسپتال کے ذرائع کے مطابق ڈسٹرکٹ ہسپتال میں کورونا کے زیر علاج مریضوں کی تعداد 62 ہوگئی ہے جو تمام آکسیجن پر ہیں دریں اثناء کرکٹ سٹیڈیم سے ملحقہ وارث شاہ ایڈوٹوریم کورونا ویکسین لگانے کا عمل جاری ہے

ڈپٹی کمشنر چوہدری محمد اصغر جوئیہ نے کورونا ویکسین سنٹر کا اچانک معائنہ کیا اور وہاں شہریوں کو دی جانے والی سہولتوں کا جائزہ لیا اس موقع پر ویکسین سنٹر کے نگران ایڈمن آفیسر محکمہ صحت چوہدری شاہد محمود نے بریفنگ دیتے ہوئے بتایا کہ اس سنٹر میں اب تک کورونا ویکسین کی 48 سو ڈوز 60 برس سے زائد عمر کے افراد کو لگائی جاچکی ہے اور 16 ہزار افراد کی نئی رجسٹریشن ہوچکی ہے انہوں نے مزید بتایا کہ یہ کورونا ویکسین سنٹر صبح 8 بجے سے شام 4 بجے تک اور رات 9 بجے سے 1بجے تک کھلا رہتا ہے۔

Leave a reply