کتنی بلند شان ِ بناتِ رسول ہے ،شاعر:زبیر احمد

کتنی بلند شان ِ بناتِ رسول ہے

قرآن رتبہ دانِ بناتِ رسول ہے

پائے گا حشر میں وہ شفاعت رسول کی

جو شخص مدح خوان ِ بناتِ رسول ہے

جتنے بھی خاندان ہیں اِس کے ہیں سب غلام

ایسا یہ خاندان ِ بناتِ رسول ہے

جو عترتِ رسول کے منکر ہیں جان لیں

قرآن پاسبانِ بناتِ رسول ہے

دن رات آ رہے ہیں جہاں پر ملائکہ

ایسا حسیں مکان ِ بناتِ رسول ہے

جاری ہے جس کا فیض و کرم روزِ حشر تک

ایسا وہ آستانِ بناتِ رسول ہے

ہر اک ادیب کرتا ہے تعریف جس طرح

شاعر بھی ترجمانِ بناتِ رسول ہے

شاعر :

زبیر احمد