سرفراز احمد کی چیئرمین پی سی بی سے ملاقات، ریٹائرمنٹ پر اعزازی شیلڈ پیش


سابق قومی کپتان سرفراز احمد نے چیئرمین پاکستان کرکٹ بورڈ محسن نقوی سے ملاقات کی جس میں پاکستان کرکٹ کے لیے ان کی خدمات کو سراہا گیا۔
‎ملاقات کے دوران چیئرمین پی سی بی محسن نقوی نے سرفراز احمد کو انٹرنیشنل کرکٹ سے ریٹائرمنٹ پر اعزازی شیلڈ پیش کی اور ان کی کارکردگی کو خراج تحسین پیش کیا۔
‎محسن نقوی نے کہا کہ سرفراز احمد نے کرکٹ کے میدان میں پاکستان کی نمائندگی کا حق ادا کیا اور قومی ٹیم کو کئی اہم کامیابیاں دلائیں۔ انہوں نے کہا کہ سرفراز کی خدمات کو ہمیشہ یاد رکھا جائے گا۔
‎چیئرمین پی سی بی نے سرفراز احمد کے مستقبل کے لیے نیک خواہشات کا اظہار کرتے ہوئے کہا کہ پاکستان کرکٹ ہمیشہ ان کی خدمات کی مقروض رہے گی اور آئندہ بھی ان کے تجربے اور صلاحیتوں سے فائدہ اٹھایا جاتا رہے گا۔