یوکرینی صدر ولادیمیر زیلینسکی 2022 کی بہترین شخصیت قرار

معروف امریکی جریدے ٹائم میگزین نے یوکرینی صدر ولادیمیر زیلینسکی کو 2022 کی بہترین شخصیت (پرسن آف دی ایئر) قراردیا ہے ، امریکی جریدے نے یوکرینی عوام کے جذبےکو بھی خراج تحسین پیش کیا-

باغی ٹی وی : 1927 سے ہر سال باقاعدگی سے بہترین شخصیت کا انتخاب کرنے والے ٹائم میگزین کے آفیشل ٹوئٹر اکاؤنٹ پر 26 دسمبر کو آنے والے جریدے کا سرورق پوسٹ کیا گیا ہےجس میں ولادیمیر زیلینسکی کی تصویر ہےاور انہیں سال کی بہترین شخصیت قرار دیا گیا ہے۔

چینی صدرتین روزہ دورے پر سعودی عرب پہنچ گئے

TIME's 2022 Person of the Year: Volodymyr Zelensky and the spirit of Ukraine #TIMEPOY https://t.co/06Y5fuc0fG pic.twitter.com/i8ZT3d5GDa

— TIME (@TIME) December 7, 2022

ٹائم میگزین نے روس کے حملےکے خلاف بھرپور مزاحمت کرنے اور مشکل وقت میں عوام کی قیادت کرنے پر یوکرینی صدرکو 2022 کی بہترین شخصیت چنا ہے۔

ٹائم میگزین کے ایڈیٹر انچیف کے مطابق زیلینسکی نے جس طرح دنیا کو حیران کیا ہے ہم نے دہائیوں سے ایسا نہیں دیکھا، روسی حملے کے دوران دارالحکومت کیف میں رکنا اور اپنے ملک کا دفاع کرنا زیلینسکی کا سخت فیصلہ تھا۔

ایڈیٹر انچیف ٹائم میگزین کا کہنا ہےکہ سال کی بہترین شخصیت کے انتخاب کا فیصلہ کرنےکے لیے زیلینسکی کا نام ہماری یادداشت میں سب سے واضح تھا۔

امریکا نے شیریں ابو عاقلہ قتل کیس بین الاقوامی جرائم کی عدالت لے جانے کی مخالفت کر دی