ویویک اوبرائے کو اہلیہ کے ہمراہ موٹر بائیک کی ویڈیو شئیر مہنگا پڑ گیا

بالی وڈ فلم اداکار ویوک اوبرائے کے خلاف حال ہی میں ممبئی میں ماسک نہ پہننے کے جرم میں ایف آئی آر درج کی گئی۔

باغی ٹی وی : اداکار ویویک اوبروئے نے 14 فروری کو ویلنٹائن ڈے کے عالمی دن کے موقع پر اپنے سوشل میڈیا اکاؤنٹس پر ایک ویڈیو شیئر کی تھی جس میں وہ ممبئی کی سڑکوں پر اپنی ہیوی بائیک پر گھماتے ہوئے نظر آرہے ہیں-

اس دوران وہ مداحوں سے بھی ملے اور اپنی ہیوی بائیک کو اپنی گرل فرینڈ قرار دیا تاہم اب ویویک اوبروئے اس ویڈیو کی وجہ سے مشکل کا شکار ہوگئے ہیں-

بھارتی میڈیا رپورٹس کے مطابق ویویک اوبروئے نے کورونا وبا کے دوران ماسک پہنے بغیر اور ٹریفک قوانین کی خلاف ورزی کرتے ہوئے بغیر ہیلمیٹ کے بائیک چلائی جس پر ممبئی پولیس نے ان کے خلاف ایف آئی آر درج کی ہے۔

سوشل میڈیا پر بھی ویویک اوبروئے کو حفاظتی تدابیر اختیار نہ کرنے کی وجہ سے شدید تنقید کا نشانہ بنایا گیا اور صارفین کا کہنا تھا کہ ویویک اوبروئے کی اس حرکت سے نوجوانوں کو غلط پیغام گیا۔ لہذا اداکار کو اس کے لیے سزا ملنی چاہئے۔ لہذا ممبئی پولیس نے اداکار کے خلاف کارروائی کی اور ان کے خلاف سانتا کروز ڈویژن نے ایک ای چالان تیار کیا۔

واضح رہے کہ بھارتی ریاست مہاراشٹرا میں ایک بار پھر کورونا کیسز کی تعداد میں اضافے کے باعث شہری انتظامیہ نے 18 فروری کو ماسک کے لازمی اصول کی خلاف ورزی کرنے والوں کے خلاف قانونی چارہ جوئی کی ہدایت کی تھی۔