چینی حملے میں بھارتی فوجیوں کی ہلاکت، بھارت میں خواجہ سراؤں کا احتجاج،مودی سے کیا بڑا مطالبہ

چینی حملے میں بھارتی فوجیوں کی ہلاکت، بھارت میں خواجہ سراؤں کا احتجاج،مودی سے کیا بڑا مطالبہ
باغی ٹی وی کی رپورٹ کے مطابق چینی حملے میں بھارتی فوجیوں کی ہلاکت کے خلاف بھارت میں خواجہ سرا بھی سڑکوں پر نکل آئے اور چین کے خلاف احتجاج کیا

چینی حملے میں بھارتی فوجیوں کی ہلاکت کے خلاف اکھل بھارتیہ کنّر اکھاڑے نے اپنے شدید رد عمل کا اظہار کیا ہے۔ الہ آباد میں کنّر اکھاڑے کی مہا منڈلیشور ٹینا ماں نے اپنے شاگرد خواجہ سراؤں کے ہمراہ چین کے خلاف احتجاجی مظاہرہ کیا۔ مظاہرے کے دوران خواجہ سراؤن نے چین کے قومی پرچم کو نذر آتش کیا اور چین مخالف نعرے لگائے۔

خواجہ سراوں کے احتجاج کی قیادت کرنے والے لیڈر کا کہنا تھا کہ اس وقت لداخ میں ہمارے بہادر فوجی اپنی جان کی بازی لگا کر سرحد کا دفاع کر رہے ہیں۔ گلوان میں ہلاک ہونے والےجوانوں کے اہل خانہ کے غم میں ہم برابر کے شریک ہیں۔ ضرورت اس امر کی ہے کہ مذہب، ذات اور برادری سے اوپر اٹھ کر ملک کے تحفظ اور فوج کی حوصلہ افزائی کے لئے سب کو آگے آنا چاہئے۔

خواجہ سراؤں کا مزید کہنا تھا کہ چین نے بھارت سے دوستی کی آڑ میں دھوکے بازی کی چین کی جارحیت کا جواب دینے کا سب سے موثر طریقہ یہ ہے کہ چینی مصنوعات کا مکمل بائکاٹ کیا جائے۔ خواجہ سراؤں نےمودی سرکار سے چینی مصنوعات کی در آمد پر فوری پابندی لگانے کا بھی مطالبہ کیا۔

چین اور بھارت کے مابین لداخ میں کشیدگی میں اضافہ ہوا ہے، بھارت نے اس بات کو تسلیم کر لیا ہے کہ بھارت کے 20 فوجی اہلکار ہلاک ہوئے ہیں تا ہم غیر مصدقہ اطلاعات کے مطابق بھارت کے 40 سے زائد اہلکار ہلاک ہو چکے ہیں جبکہ دو درجن سے زائد لاپتہ ہیں ،کچھ کو چینی فوج نے گرفتار کر رکھا ہے جن میں ایک میجر بھی شامل ہے

چین نے گرفتار بھارتی فوجیوں کو رہا کر دیا ہے، بھارت کی عسکری قیادت کی جانب سے مذاکرات میں چینی فوج کی منتیں کرنے کے بعد اب چین نے بھارتی فوجیوں‌ کو رہا کرنے کا فیصلہ کیا، بھارت اگرچہ اس بات کی تردید کر رہا تھا کہ اسکا کوئی فوجی لاپتہ نہیں ہے لیکن اب چین کی جانب سے بھارتی فوجیوں کو رہا کئے جانے کے بعد بھارت کا ایک اور جھوٹ بھی بے نقاب ہو گیا ہے ,باغی ٹی وی کے مطابق تجزیہ کاروں کا کہنا ہے کہ چین کی جانب سے بھارتی فوجیوں کی رہائی سے کشیدگی میں کمی آ سکتی ہے

واضح رہے کہ چین اور بھارت کے مابین سرحدی تصادم جو 5 مئی کو لداخ میں وادی گلوان اور اس کے بعد شمال مشرقی سکم کے علاقے نکولہ میں شروع ہوا تھا اس کے تین دن بعد بھارت اور چین میں شدید تلخی آئی تھی چین نے لداخ میں بھارتی علاقے میں گھس کر بھارتی فوج کر گرفتار کر لیا تھا جنہیں بعد ازاں چھوڑ دیا گیا

سی پیک کے خلاف امریکی سازش کے توڑ کیلئے چین کے پانچ ہزار فوجی بھارت میں گھس گئے

لداخ میں انڈیا اور چین میں سرحدی کشیدگی، سینئر صحافی مبشر لقمان نے کیا دی تجویز

‏یہ وہ لات ہے جو ایک چینی فوجی نے لداخ میں ایک بھارتی فوجی کو تحفہ میں دی

لداخ میں چین کے ہاتھوں شرمناک شکست پر جنرل بخشی نے ایک سائیڈ کی مونچھیں کٹوا دیں

"پلیز گو بیک چائنہ” بھارتی فوج کے ترلے، بینر اٹھا لیے

جنگ کی تیاری کرو، چینی صدر کا فوج کو حکم

چائنہ نے لداخ کے قریب اپنے ایئر بیس کو مزید پھیلانا شروع کر دیا،جنگی طیارے بھی پہنچا دیئے

مودی سرکار کے عزائم پڑوسی ممالک کیلئے خطرہ بن چکے،وزیراعظم عمران خان

مودی ٹرمپ ٹیلی فونک رابطہ ، بھارت کی چین اور امریکہ کی سیاہ فاموں کے ہاتھوں درگت پر دونوں کا ایک دوسرے سے اظہار یکجہتی