جعلی ڈگری کے حامل 457 پی آئی اے ملازمین کیخلاف کاروائی کا آغاز

باغی ٹی وی کی رپورٹ کے مطابق پاکستان کی قومی ایئر لائن پی آئی اے میں جعلی ڈگری کے حامل 457 ملازمین کے خلاف ایف آئی اے نے انکوائری شروع کر دی ہے

پی آئی کے ملازمین جن کی ڈگری جعلی ہے اور وہ پی آئی اے میں ملازمت کرتے رہے، باغی ٹی وی نے ان جعلی ڈگری کے حامل افراد کی لسٹ حاصل کر لی ہے، ڈگری جعلی ثابت ہونے پرپی آئی ا ے کے ان ملازمین کے خلاف ایف آئی اے نے باقاعدہ تحقیقات کا آغاز کر دیا ہے، ایف آئی اے ان محکموں کی بھی تحقیقات کرے گی جنہوں نے ان جعلی ڈگری کے حامل افراد کو بھرتی کیا اور ملازمتوں پر رکھا، باغی ٹی وی کو موصول اطلاعات کے بعد ایف آئی اے کارپوریٹ سرکل کراچی نے تحقیقات کا آغاز کر دیا ہے

[wp-embedder-pack width=”100%” height=”400px” download=”all” download-text=”” attachment_id=”501224″ /]

تحقیقات کے مطابق جعلی ڈگری کے حامل ملازمین کی تعداد 457 ہے،اور ان ملازمین کو 2008 سے 2017 کے مابین بھرتی کیا گیا تھا، ایف آئی اے کی جانب سے ان جعلی ڈگری کے حامل ملازمین کے خلاف کاروائی کی جائے گی، ایف آئی اے نے جعلی ڈگری کے حامل ملازمین کے خلاف کاروائی سپریم کورٹ کے احکامات کے بعد کر رہی ہے، سپریم کورٹ نے پی آئی اے سے جعلی ڈگری کے حامل ملازمین کے خلاف کاروائی کا حکم دیا تھا

ایف آئی اے ان ملازمین کے خلاف بھی تحقیقات کر رہی ہے جن ملازمین نے ان جعلی ڈگری کے حامل ملازمین کو بھرتی کیا تھا یا اثرو رسوخ استعمال کرتے ہوئے بھرتی کروانے میں کسی بھی طرح کی مدد کی تھی

جعلی ڈگری کیس: ایف آئی اے نے حتمی انکوائری کے بعد 25 پائلٹوں کے خلاف مقدمات درج

واضح رہے کہ جعلی ڈگری کی وجہ سے پی آئی اے کے کئی ملازمین کو نوکریوں سے نکالا جا چکا ہے، پی آئی اے ملازمین نے عدالت سے رجوع بھی کیا تاہم عدالت نے انہیں کسی قسم کا ریلیف نہیں دیا، عدالت نے جعلی ڈگری کیسز میں پی آئی اے ملازمین کی درخواستیں مسترد کر دی تھیں،