پاکستان شوبز انڈسٹری کی معروف اداکارہ ہانیہ عامر نے کہا ہے کہ اگر ان کی وجہ سے جانے انجانے میں اگر کسی کا دل دُکھا ہو تو وہ معذارت خواہ ہیں۔

باغی ٹی وی :حال ہی میں ہانیہ عامر کی سوشل میڈیا پر وائرل ویڈیو کی وجہ سے سوشل میڈیا پر ایک طوفان برپا تھا جس پر عاصم اظہر نے اپنے ٹوئٹر اکاؤنٹ پر ایک مزاحیہ میم شیئر کی تھی ویڈیو میں انوپم کھیر بھاگتے ہوئے کہتے ہیں کہ بال بال بچ گیا۔

عاصم اظہر نے ویڈیو شیئر کرتے ہوئے کیپشن میں ’الحمداللّہ‘ لکھا تھا اور ساتھ ہی قہقہوں والا ایموجی بھی بنایا تھا۔

گلوکار کی اس ٹوئٹ پر رد عمل دیتے ہوئے ہانیہ عامر نے بھی سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ ’آپ یا تو سیلیبرٹی ہوسکتے ہیں یا تلخ ماضی۔‘

جس پر ایک بار پھر سوشل میڈیا پر بحث شروع ہو گئی جس میں شوبز شخصیات بھی منقسم نظر آئیں-

تاہم ہانیہ عامر نے اپنی حالیہ پوسٹ میں ان کی ’نامناسب‘ ویڈیو وائرل کرنے والوں کو آڑے ہاتھوں لیتے ہوئے چند حقائق سب کے سامنے رکھے، اور ساتھ ہی خود بھی کسی کی بھی دل آزاری ہونے پر معافی مانگ لی۔

انہوں نے لکھا کہ یہ میں آخری مرتبہ سب کے سامنے حقائق رکھ رہی ہوں، یہ کسی سے لفظی جنگ کی بحث نہیں، نہ ہی اصل بحث یہ ہے کہ کسی سابقہ بوائے فرینڈ سے بحث کو طُول دی جائے۔

اداکارہ نے لکھا کہ میری تمام تر شکایت انٹرنیٹ پر ہراساں کیے جانے کی ہے، کسی بھی عورت کو یوں ہراساں کرنا کسی معاشرے میں قابلِ قبول نہیں ہے-

انہوں نے لکھا کہ یہ بطور انسان ہماری ذمہ داری ہے کہ ہم آنے والی نسلوں کیلئے راہیں ہموار کرتے ہیں ، اس میں کچھ ایسا نہ جائے جس پر بعد میں انہیں شرمندگی ہو میں اپنی غلطی تسلیم کرنے میں کبھی پیچھے نہیں ہٹوں گی اور روزانہ بہتر سے بہتر انسان بننے کی کوشش کروں گی۔

انہوں نے لکھا کہ معافی مانگنے کا مطلب کسی کو نیچا دکھانا نہیں ہوتا اسی وجہ سے مجھے ایسا لگتا ہے کہ مجھے بھی معافی مانگنی چاہیے اگر میں نے کسی کا بھی جانے انجانے میں دل دکھایا ہے تو میں معذرت خواہ ہوں۔

انہوں نے ڈھکے چھپے الفاظ میں عاصم اظہر کو پیغام دیا کہ براہِ کرم آپ بھی واضح پیغامات شیئر کریں، آپ کے ریمارکس کسی کی شخصیت کو بری طرح متاثر کرسکتے ہیں۔

آخر میں ہانیہ عامر نے تمام چاہنے والوں کی سپورٹ کا شکریہ ادا کیا۔

واضح رہے کہ اس سے قبل بھی ہانیہ عامر نے اپنی پوسٹ میں کہا تھا کہ ایک اور دن ایسی دُنیا میں زندہ ہوں جہاں دوہرے معیار کی بے گناہی پر طاقت ہے اور جہاں اختلاف رائے کے ساتھ رہنا کوئی بات نہیں ہے۔

اُنہوں نے لکھا تھا کہ جہاں اگر مرد عورت سے بدتمیزی کرنے کی کوشش کرے تو اس کی تعریف کی جاتی ہے لیکن اگر کوئی عورت ایسا کرتی ہے تو اس سے نفرت کی جاتی ہے۔

ہانیہ عامر نے یہ بھی لکھا تھا کہ ’جہاں ایک عورت اپنے پیاروں سے پیار کرتی ہے تو وہ غلط ہے لیکن اگر مرد کسی عورت کی تصویر پر کچھ غلط کرے تو اُسے وائرل مواد بنا دیا جاتا ہے۔

وائرل ویڈیو پر تنقید سے ہانیہ عامر دلبرداشتہ

الحمداللّہ، بال بال بچ گیا، ہانیہ کی وائرل ویڈٰیو کے بعد عاصم اظہر کا رد عمل

ہانیہ عامر کے ساتھ وائرل ویڈیو پر عاشر وجاہت کا وضاحتی بیان

عاصم اظہر کی طنزیہ میم پرہانیہ عامر کا سخت ردعمل