بلاول کل یو اے ای کا دورہ کرینگے
وزیر خارجہ اور پیپلز پارٹی کے چیئرمین بلاول بھٹو زرداری کل متحدہ عرب امارات کا دورہ کریں گے
بلاول بھٹو زرداری متحدہ عرب امارات کے دورے کے دوران، یو اے ای کے صدر شیخ محمد بن زید النہیان کے بھائی کے انتقال پر تعزیت کریں گے۔ وزیر خارجہ اپنے اماراتی ہم منصب شیخ عبداللہ بن زید النہیان سے ملاقات کریں گے جس کے دوران دونوں ممالک کے درمیان دو طرفہ تعلقات کے تمام پہلوؤں پر تبادلہ خیال کیا جائے گا۔بلاول بھٹو زرداری مادام تساؤ میں بے نظیر بھٹو کے مومی مجسمے کی نقاب کشائی کی تقریب میں بھی شرکت کریں گے
واضح رہے کہ وزیراعظم شہباز شریف نے بھی گزشتہ روز متحدہ عرب امارات کا سرکاری دورہ کیا تھا اور صدر شیخ محمد بن زید النہیان کے بھائی کے انتقال پر تعزیت کی تھی