اسلام آباد میں چائلڈ پورنوگرافی کا ملزم گرفتار

ایف آئی اے سائبر کرائم سرکل اسلام آباد نے چائلڈ پورنوگرافی کا مواد رکھنے اور بیچنے میں ملوث ملزم کو گرفتار کر لیا۔

ایف آئی اے حکام کے مطابق سائبر کرائم سرکل اسلام آباد نے کارروائی کرتے ہوئے ملزم حسن نواز کو گرفتار کیا، ملزم چائلڈ پورنوگرافی کے گھناؤنے جرائم میں ملوث تھا۔

ملزم انٹرنیٹ اور ڈارک ویب پر چائلڈ پورنوگرافی مواد تیار کرنے اور فروخت کرنے والے گروہوں سے وابستہ تھا، ملزم کے خلاف بین الاقوامی سطح پر رپورٹس تیار کی گئیں۔ گرفتار ملزم سے بڑی مقدار میں چائلڈ پورنوگرافک مواد اور متعدد سوشل میڈیا اور آن لائن اکاؤنٹس جو چائلڈ پورنوگرافی مواد کو ذخیرہ کرنے کے لیے استعمال کیے گئے تھے برآمد کر لیے گئے ہیں۔ملزم کے خلاف پیکا ایکٹ کے تحت مقدمہ درج کر لیا گیا، مقدمہ کی مزید تفتیش جاری ہے۔

چائلڈ پورنوگرافی کے خلاف سائبر کرائم ونگ ایف آئی اے کا آپریشن جاری

ٹویٹر پر جعلی اکاؤنٹ، قائمہ کمیٹی اجلاس میں اراکین برہم،بھارت نے کتنے سائبر حملے کئے؟

بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

واضح رہے کہ ڈی جی ایف آئی اے سائبرکرائم ونگ  نے انکشاف کیا تھا کہ پاکستان میں چائلڈ پورنوگرافی ایک منافع بخش کاروبار بن چکا ہے،پاکستان میں چائلڈ پورنو گرافی کے سرے بین الاقوامی مافیا تک جاتے ہیں۔سینیٹ کی قائمہ کمیٹی برائے انسانی حقوق نے اسلام آباد میں چائلڈ پروٹیکشن بل 2018، ملک بھر میں جرائم پیشہ کم عمر بچوں کیلئے علیحدہ عدالتوں کے قیام اور چائلڈ پورنو گرافی کے قانون میں ترمیمی بل منظور کیا ہوا ہے.جس کے تحت چائلڈ پورنو گرافی پر 14 سال، جنسی ہراسگی پر7 سال قید و جرمانہ ہو گا.