خواجہ سراؤں کو تحفظ نہ مل سکا، ایک اور خواجہ سرا قتل

باغی ٹی وی کی رپورٹ کے مطابق خواجہ سراؤں کے حقوق کے تحفظ کے لئے آنیوالے بل کے حوالہ سے ملک بھر میں بحث جاری ہے تو دوسری جانب خواجہ سراؤں کا قتل بھی جاری ہے

ایک ماہ میں دوسرے خواجہ سرا کو قتل کر دیا گیا ہے، خواجہ سرا کے قتل کا واقعہ خیبر پختونخواہ کے علاقہ صوابی میں پیش آیا، صوابی انبار انٹرچینج کے قریب خواجہ سرا اپنے دیگر دوستوں کے ہمراہ پشاور جا رہا تھا کہ ملزمان کی جانب سے فائرنگ کی گئی، فائرنگ سے خواجہ سرا وفا کی موقع پر ہی موت ہو گئی اطلاع پر پولیس کی بھاری نفری موقع پر پہنچ گئی، پولیس کے مطابق خواجہ سرا پر فائرنگ کس نے کی، اس پر تحقیقات کر رہے ہیں لاش کو پوسٹ مارٹم کے لئے ہسپتال منتقل کر دیا گیا ہے

قبل ازیں 11 ستمبر کو کبوتر چوک کے قریب محفل موسیقی سے واپسی پر چار خواجہ سراؤں کو ڈرائیور سمیت تشدد کا نشانہ بنایا تھا اور انہیں فائر کر کے زخمی کیا تھا،واقعے میں زخمی ہونے والے خواجہ سرا ماہین عرف ڈولفن آیان کی مدعیت میں 11 ستمبر کو تھانہ پہاڑی پورا میں مقدمہ درج ہوا جس کے مطابق خواجہ سرا ڈولفن آیان کو ان کی 3 ساتھیوں امجد علی عرف نینا،ظہور عرف شینا، شایان عرف حسینا اور ڈرائیور فیضان کو 3 ملزمان اعجاز، نعمان اور موجی نے فائرنگ کرکے زخمی کیا ملزمان خواجہ سراؤں پر اپنا رعب قائم رکھنے کیلئے انہیں پہلے بھی دھمکاتے ڈراتے رہے

واضح رہے کہ خیبرپختونخوا میں خواجہ سرا عدم تحفظ کا شکار ہوگئے ہیں صوبے بھر میں خواجہ سراؤں پر تشدد کے واقعات میں مسلسل اضافہ ہو رہا ہے، صرف رواں برس خیبر پختونخواہ میں خواجہ سراؤں پر تشدد کے 38 کیسز سامنے آ چکے ہیں گزشتہ سات ماہ میں 7 خواجہ سراؤں کو قتل کیا گیا، دھمکیوں کے 19 کیسز سامنے آئے

ہم جنس پرستی کے مکروہ ایجنڈے کو آگے بڑھانے کی کوشش شرمناک ہے، تنظیم اسلامی

خواجہ سرا کے ساتھ بازار میں گھناؤنا کام کرنیوالے ملزمان گرفتار

خواجہ سرا بھی اب سکول جائیں گے، مراد راس

خواجہ سرا کے ساتھ ڈکیتی، مزاحمت پر بال کاٹ دیئے گئے

پشاور پولیس کا رویہ… خواجہ سرا پشاور چھوڑنے لگے

شہر قائد خواجہ سراؤں کے لئے غیر محفوظ

خواجہ سراؤں پر تشدد کی رپورٹنگ کیلئے موبائل ایپ تیار

ہ ٹرانسجینڈر قانون سے معاشرے میں خواجہ سرا افراد کو بنیادی حقوق ملے۔