بزدار حکومت کا پٹواریوں کی بھرتی کا سیکنڈل،کیسے بھرتی کیے جا رہے تھے پٹواری،تہلکہ خیز انکشاف

ضلع نارووال میں پٹواریوں کی بھرتی کا سیکنڈل سامنے آیا ہے ،94 میں سے 76 پٹواری فیل ہوئے، پٹواریوں سے رشوت لی گئی،

وزیراعظم عمران خان کرپشن ختم کرنا چاہتے ہیں تا ہم انکے لوگ خود کرپشن کر رہے ہیں، وزیراعلیٰ پنجاب بھی اس سے بے خبر نہیں، پٹواریوں کی بھرتی میں سے فیل امیدواروں کو پاس کر دیا جاتا ہے اور جب دوبارہ ٹیسٹ لیا جاتا ہے تو ان میں سے اکثر فیل ہو جاتے ہیں ، تبدیلی ،انصاف اور کرپشن کے خاتمے کا نعرہ لگا کر آنیوالی پی ٹی آئی سرکار خود کرپشن میں ملوث نکلی، پی ٹی آئی حکومت نے پٹواریوں کی بھرتیاں کیں تو اہل امیدواروں کا حق مار کر فیل ہونے والے امیدواروں سے پیسے لے کر بھرتی کرنے کی کوشش کی گئی جس کو ایک ڈی سی نے ناکام بنا دیا،

پٹواریوں کی بھرتی میں ہونے والی جعلسازی میں پی ٹی آئی کے اراکین اسمبلی بھی ملوث تھے، ڈی سی کو نہ صرف اراکین اسمبلی کی جانب سے بلکہ جونیر افسران اسسٹنٹ کمشنرز کی جانب سے بھی دباؤ ڈالا گیا کہ ان امیدواروں کو بھرتی کیا جائے ،سفارشوں کی لائنیں لگ گئیں تا ہم ڈی سی نے فیل ہونیوالے امیدواروں کو بھرتی نہیں کیا، ڈی سی کو دھمکیان بھی دی گئیں تا ہم انہوں نے دھمکیوں کو کسی خاطر میں نہیں لایا ، اطلاعات کے مطابق ڈی سی کو دھمکی دی گئی اور کہا گیا کہ گر ان پٹواریوں کو تعینات نہیں کریں گی تو پھر آپ نہیں رہیں گی،اسسٹنٹ کمشنرز نے ڈی سی کو دھمکیاں دیں، ان 94 پٹواریوں کے دوبارہ ٹیسٹ کا حکم آیا، دوبارہ ٹیسٹ لئے گئے تو ان میں سے 77 فیل ہوئے، ہر پٹواری 15 سے 20 لاکھ دے کر فیل ہوا تھا، اگر یہ لگ جاتے تو لوگوں کی زمینوں پر قبضے ہوتے، ان لوگوں کوفارغ کرنے کے بعد ایک انکوائری ہوتی ہے اور ڈی سی کو دھمکیاں دینے والے اسسٹنٹ کمشنر کو تبدیل کر دیا جاتا ہے ،پی پی 46 سےپی ٹی آئی کے وزیر کے بھائی اور پی پی 50 سے پی ٹی آئی کے رکن اسمبلی کے امیدوارسمیت کرپشن کرنیوالے سرکاری ملازمین کا نام اس رپورٹ میں شامل کیا گیا ہے

ضلع نارووال میں پٹواریوں کی بھرتی میں کرپشن ہونے پر حکومت پنجاب نے ان افراد کے خلاف کاروائی کا حکم دیا جن میں پی ٹی آئی کے ٹکٹ ہولڈر پی پی 50 سجاد مہیس کے بھائی حافظ ذولفقار کا نام بھی شامل ہئ اور ساتھ ساتھ وزیر اوقاف کے بھائی بھی

پٹواریوں کی بھرتی میں ہونیوالے جعلسازی، کرپشن کی تحقیقاتی رپورٹ سامنے آئی ہے جس پر احمد علی ظفر، ممبر جوڈیشل بورڈ آف ریونیو پنجاب کے دستخط ہیں،یہ رپورٹ کمشنر گوجوانوالہ ڈویژن کو بھجوائی گئی، رپورٹ میں کہا گیا کہ ڈی سی نارووال کی جانب سے پٹواریوں کی بھرتی میں جعلسازی کا انکشاف کیا تو ایک کمیٹی تشکیل دی گئی جس نے تحقیقات کیں ،نارووال، ظفر وال اور شکر گڑھ میں پٹواریوں کی کل 94 سیٹیں تھیں ،2269 درخواستیں موصول ہوئیں امیدواروں کے ٹیسٹ لئے گئے جن میں سے 96 امیدواروں کو آخر میں پاس کیا گیا، جب ان پاس امیدواروں کو تعینات کرنے کی بات کی گئی اور سفارش کے ساتھ دھمکیاں دی گئیں تو انہی 96 امیدواروں کا دوبارہ ٹیسٹ لیا گیا جن میں سے صرف 19 پاس ہوئے ،77 فیل ہو گئے،دوسرا ٹیسٹ 11 اگست کو لیا گیا ،ڈپٹی کمشنر نارووال کی جانب سے یہ امیدواروں کی تعیناتی کی رپورٹ بنائی گئی جس میں تمامتر تفصیلات سے آگاہ کیا گیا،

تحقیقاتی رپورٹ کے مطابق اے ڈی سی نارووال محمد حنیف نے ڈی سی نارووال نبیلہ عرفان کو واٹس ایپ پر ایک پیغام بھجوایا جس میں کہا گیا کہ میڈم سی ایم آفس سے ڈی سی کو اور ڈی سی سے اے سی صاحبان کو زبانی احکامات ملتے ہیں جن پر عمل ہوتا ہے لیکن انکا کوئی ثبوت بھی نہیں ہوتا یہ سارے معاملات باہمی اعتماد پر چلتے ہیں سیاستدانوں سے متعلق اور ریکروٹمنٹ سے متعلق احکامات لکھ پڑھ کر نہیں دیئے جاتے ،پٹواریوں کی بھرتی میں اے سی صاحبان نے وہی کیا ہے جو انکو ڈی سی اور سیاستدانوں نے کہا ہے ،ایسا نہ کرنے پر معاملات کہیں کے کہیں پہنچ جاتے ہیں یہ سارا کام کیسے ہوا یہ نہ تو ہائیر آفس سے ڈسکس کیا جاتا ہے اور نہ ہی سی ایم آفس سے،یہ آفسز کہتے ہیں کہ اپنے نمائندوں کو راضی کریں ، کیسے کریں، اس پہ سب خاموش رہتے ہیں کیسے کرنا ہے یہ ہمارا انٹرنل معاملہ ہے ہائیر آفس کو بتانے کا مطلب یہ ہے کہ ہم اپنی کمزوریاں انکے ہاتھ دے رہے ہیں