دوران عدت نکاح کیس، عمران خان اور بشریٰ بی بی کی سزا کے خلاف اپیلوں پر فیصلہ سنا دیا گیا
عدت میں نکاح کیس،عمران خان اور بشریٰ بی بی کی سزا معطلی کی درخواست مسترد کر دی گئی،عدالت نے محفوظ شدہ فیصلہ سنایا، ایڈشنل سیشن جج افضل مجوکہ نے عمران خان وبشریٰ بی بی کی اپیل پر فیصلہ سنایا،25 جون کو عدالت نے دلائل مکمل ہونے کے بعد فیصلہ محفوظ کیا تھا،عدالت میں جج افضل مجوکا نے کہا کہ میں نے تفصیلی فیصلہ لکھ دیا ہے۔
سپریم کورٹ کا فیصلہ موجود ہے کہ جب مرکزی اپیل مقرر ہو تو سزا معطل نہیں کی جاتی.تفصیلی فیصلہ
عدت کیس سزا معطلی درخواست مسترد ہونے کاتفصیلی فیصلہ جاری کر دیا گیا،عدالت نے10 صفحات پر مشتمل فیصلہ جاری کیا،عدالت نے اپنے فیصلے میں مختلف عدالتی فیصلوں کا بھی ذکر کیا،جج محمد افضل مجوکا نے عمران خان اور بشریٰ بی بی کی عِدت کیس میں سزا معطلی کی درخواستیں مسترد کرنے کی وجہ اسلام آباد ہائیکورٹ کے دو رکنی بنچ کی جانب سے مرکزی اپیلوں پر ایک ماہ میں فیصلے کی ڈائریکشن کو بنا دیا. ایڈیشنل سیشن جج نے فیصلے میں لکھا ہے کہ اسلام آباد ہائیکورٹ کی ڈائریکشن ہے کہ مرکزی اپیلوں پر 12 جولائی تک فیصلہ کرنا ہے تو سپریم کورٹ کا فیصلہ موجود ہے کہ جب مرکزی اپیل مقرر ہو تو سزا معطل نہیں کی جاتی.عدالت نے تحریری فیصلے میں کہا کہ دونوں ملزمان کے پاس سزا معطلی کا کوئی جواز موجود نہیں،بشریٰ بی بی کا خاتون ہونا سزا معطلی اور ضمانت پر رہائی کا جواز نہیں، بانی پی ٹی آئی، بشریٰ بی بی کی سزا معطلی کی درخواستیں مسترد کی جاتی ہیں،سزا معطلی یا ضمانت پر رہائی کی درخواستوں پر سماعت کے دوران مقدمے کے میرٹس پر بات نہیں کی جا سکتی، دونوں ملزمان کو دی گئی سزا نہ تو قلیل مدتی ہے، نہ ہی وہ سزا کا زیادہ حصہ بھگت چکے ہیں،
عدت کیس میں سزا کے خلاف اپیل کا فیصلہ سنایا گیا تو قومی اور بین الاقوامی میڈیا سے وابسطہ صحافی کثیر تعداد میں کمرہ عدالت میں موجود تھے، تحریک انصاف کے رہنما بھی کمرہ عدالت میں موجود تھے، پی ٹی آئی کی خواتین کارکنان جوڈیشل کمپلکس کے باہر موجود تھیں، اس موقع پر سیکورٹی کے سخت انتظامات کئے گئے تھے، پولیس کی بھاری نفری عدالت کے باہر تعینات تھی، جب فیصلہ آیا تو پی ٹی آئی کارکنان نے عمران خان اور بشریٰ بی بی کے حق میں نعرے بازی کی،
عدت کیس میں سزا معطلی کا فیصلہ مسترد ہونے پر پی ٹی آئی کا اسلام آباد ہائیکورٹ جانے کا اعلان
اپوزیشن لیڈر عمر ایوب نے عدت میں نکاح کیس کا فیصلہ اسلام آباد ہائیکورٹ میں چیلنج کرنے کا اعلان کر دیا اور کہا کہ اس فیصلے کے خلاف اسلام آباد ہائیکورٹ میں اپیل دائرکریں گے،اسیران رہا ہونے تک کوئی بات چیت نہیں ہو گی، ہم اس فیصلے کی مذمت کرتے ہیں،ہماری تحریک تیزی سے آگے چلے گی ہر جگہ مظاہرہ کریں گے،یہ کیس خاوند اور بیوی کے درمیان ہے، اُس کو سیاسی بنایا گیا، فارم 47 کے مسٹر شہباز شریف کے مذاکرات کو مسترد کرتے ہیں، عمران خان کو رہا کریں،اعظم سواتی کا کہنا تھا کہ آخری وقت تک ہم ظلم کا مقابلہ کریں گے کوئی ہمیں شکست نہیں دے سکتا، کنول شوذب کا کہنا تھا کہ عدالت نے ناصرف آج انصاف کا قتل کیا ہے، بلکہ خواتین کو بھی انصاف فراہم کرنے میں ناکام رہی ہے یہ عدالت۔ تحریک انصاف کے چیئرمین بیرسٹر گوہر علی خان کا کہنا تھا کہ بانی چیئرمین عمران خان اور ان کی محترمہ اہلیہ کے خلاف عدّت کیس میں نہایت ناقص ٹرائل کے نتیجے میں سنائی گئی سزاؤں کی معطّلی کی درخواستوں پر ڈسٹرکٹ اینڈ سیشن جج کا فیصلہ نہایت مایوس کن اور انصاف کا کھلا قتل ہے۔ اس غیراخلاقی اور بیہودہ مقدّمے کے اہداف مکمل طور پر سیاسی ہیں اور یہ فیصلہ عمران خان اور ان کی اہلیہ کے خلاف جاری انتقامی سلسلے کو دوام بخشے گا۔ہم اس ناقابلِ قبول فیصلے کے خلاف فی الفور ہائیکورٹ سے رجوع کریں گے۔
پی ٹی آئی والے جشن منانے میں جلد بازی کرتے ہیں،عطا تارڑ
وفاقی وزیر اطلاعات عطاتارڑ نے عدالتی فیصلہ پر کہا کہ آج تحریک انصاف اور ان کے لیڈر کو ناکامی ہوئی ہے اور حق سچ کی فتح ہے، عدت نکاح کا کیس بھی بہت اہم ہے ، یہاں جواب تو دینا ہوگامفتی سعید کا بیان ہے، خاور مانیکا کا کیس بہت اہم ہے،عدالت میں بطور مدعی خاور مانیکا پیش ہوئے، اتنے شواہد نہیں تھے کہ سزا ختم ہوتی،پی ٹی آئی اور بشریٰ کے وکیل ناکام رہے ہیں،اب پی ٹی آئی کو جواب دینا ہو گا،یہ تحریک انصاف کی بہت بڑی ناکامی ہوئی ہے.پی ٹی آئی والے جشن منانے میں جلد بازی کرتے ہیں،
واضح رہے کہ دوران عدت نکاح کیس میں تین فروری کو عام انتخابات سے قبل عمران خان اور ان کی اہلیہ بشریٰ بی بی کو سزا سنائی گئی تھی، عدالت نے عمران خان اور بشری بی بی کا نکاح غیر شرعی قرار دے دیا تھا، عدالت نےعمران خان اور بشری بی بی کو 7،7 سال قید اور 5 لاکھ جرمانہ کی سزا سنائی تھی.
خواب کی تعبیر پر بڑے بڑے وزیر لگائے جاتے تھے،عون چودھری
بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟
ہوشیار،بشری بی بی،عمران خان ،شرمناک خبرآ گئی ،مونس مال لے کر فرار
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال
عمران خان، تمہارے لئے میں اکیلا ہی کافی ہوں، مبشر لقمان
عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں
عمران خان بشری بی بی کو درجنوں بار ملے بھی اور انکو دیکھا بھی ،عون چودھری کا دعویٰ
واضح رہے کہ تحریک انصاف کے چیئرمین عمران خان کا تیسرا نکاح پڑھانے والے مفتی سعید نے کہا تھا کہ اگر بشریٰ بی بی نے عدت میں نکاح پر توبہ نہیں کی تو تجدید ایمان کرنی چاہیے،مفتی محمد سعید خان نے عمران خان کے بشریٰ بی بی سے نکاح کے بارے میں کہا کہ ان کے عمران خان سے دو نکاح ہوئے تھے کیونکہ ان کا پہلا نکاح عدت کے دوران ہوا اور اس نکاح کو نکاح فاسد کہا جاتا ہےعدت مکمل ہونے کے بعد عمران خان کا بشریٰ بی بی سے دوسرا نکاح ہوا، مجھے عون چوہدری کے ذریعے علم ہوا کہ عمران خان کا بشریٰ بی بی سے نکاح عدت کے دوران ہوا جس پر میں نے ان کو کہا کہ نکاح دوبارہ ہوگا
اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی
ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں
خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی
ریحام خان جب تک عمران خان کی بیوی تھی تو قوم کی ماں تھیں
خاور مانیکا کے انٹرویو پر نواز شریف کا ردعمل
غیر شرعی نکاح کیس،سابق وزیراعظم عمران خان اور بشری بی بی پر فرد جرم عائد
واضح رہے کہ سابق وزیراعظم عمران خان کی اہلیہ بشریٰ بی بی کے سابق شوہر خاور فرید مانیکا عمران خان اور بشری بی بی پر پھٹ پڑے تھے، خاور مانیکا رہائی کے بعد اہم انکشافات سامنے لے آئے، بشریٰ بی بی کے کرتوت عیاں کر دیئے تو وہیں ریاست مدینہ کا نام لے کر پاکستان میں حکومت کرنیوالے عمران خان کا کچہ چٹھہ بھی کھول دیا،
جیو ٹی وی کے پروگرام میں گفتگو کرتے ہوئے خاور مانیکا کا کہنا تھاکہ عمران خان میری مرضی کے بغیر میرے گھر آتا تھا، پنکی کی اس سے ملاقاتوں پر میں ناراض تھا، ایک بار عمران میرے گھر آیا تو میں نے نوکر کی مدد سے اسے گھر سے نکلوا دیا، عمران خان کے اسلام آباد میں دھرنوں کے دوران بشریٰ کی بہن مریم وٹو نے بشریٰ کی ملاقات عمران خان سے کرائی، ہماری شادی 28 سال چلی، ہماری بہت خوش گوار زندگی تھی لیکن عمران نے پیری مریدی کی آڑ میں ہمارا ہنستا بستا گھر برباد کر دیا اسلام آباد میں عمران خان اور بشریٰ بی بی کی ملاقاتیں شروع ہو گئیں. میری والدہ کہتی تھیں کہ عمران خان اچھا آدمی نہیں، اسے گھر میں نہ آنے دیا کرو، رات کے وقت دونوں کی فون پر لمبی لمبی باتیں ہونے لگیں،
عدالتی وقت کے بعد ٹرائل کیوں ہوا یہی کافی ہے کیس سزا معطلی کا ہے، وکیل سلمان صفدر
عدت کیس میں فیصلہ کرنے کیلیے 12 جولائی تک کا وقت ہے،جج
دوران عدت نکاح کیس،خاور مانیکا 21 جون کو طلب،پیش نہ ہوئے تو فیصلہ ہو گا،عدالت
دوران عدت نکاح کیس،سزا کیخلاف اپیلوں پر دس دن میں فیصلے کا حکم
دوران عدت نکاح کیس،بشریٰ بی بی کے بعد عمران خان کی بھی اپیل دائر
زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے
بشریٰ بی بی کو سزا،خاور مانیکا کا ردعمل،نااہلی کے فیصلے پر حیران
خاور مانیکا نے بشریٰ بی بی اور عمران خان کے خلاف درخواست میں کیا کہا تھا؟
گزشتہ برس 25 نومبر کو بشری بی بی کے سابق شوہر خاور مانیکا نے عدالت سے رجوع کیا تھا،خاور مانیکا نے بشری بی بی اور چیئرمین پی ٹی آئی کو سزا کی استدعا کردی،خاور مانیکا نے اسلام آباد کی مقامی عدالت میں درخواست دائر کر دی ،درخواست میں کہا گیا کہ عمران خان نیازی نے میری بیوی بشری مانیکا کو ورغلایا،اس سے ناجائز تعلقات رکھے، مجھ سے چھین کے عدت میں نکاح کیا اور میری زندگی تباہ کی، یہ جرم بنی گالہ اسلام آباد میں ہوا،تصدیق شدہ ناجائز تعلقات کی بناء پر بشریٰ بی بی کو طلاق دینے پر مجبور ہوا،خاور مانیکا نے بشری بی بی اور سابق وزیراعظم عمران خان کو سزا دینے کی استدعا کردی
اسلام آباد کی سیشن کورٹ میں دائر خاور مانیکا کی درخواست میں عمران خان اور بشری بی بی کے یکم جنوری 2018 کے نکاح کی کاپی بھی منسلک کی گئی ہے،خاورمانیکا نے غیرشرعی نکاح، زنا سے متعلق دفعات کے تحت درخواست دائر کی،خاور مانیکا نے اسلام آباد کے سول جج قدرت کی عدالت میں پیش ہوئے اورشکایت درج کرادی،درخواست سیکشن 494/34، B-496 ودیگر دفعات کے تحت دائر کی گئی
درخواست میں کہا گیا کہ بشریٰ بی بی سے 1989 میں شادی ہوئی، ہماری شادہ شدہ زندگی پر سکون جارہی تھی جب تک چیئرمین پی ٹی آئی نے مداخلت کی،پیری مریدی کے چکر میں چیئرمین پی ٹی آئی بشریٰ بی بی کے گھر داخل ہوئے، چیئرمین پی ٹی آئی گھنٹوں بشریٰ بی بی کے گھر رہتےتھے،چیئرمین پی ٹی آئی نے بشریٰ بی بی اور میری شادی شدہ زندگی میں مداخلت شروع کردی تھی،چیئرمین پی ٹی آئی کو بے عزت کرکے کئی بار گھر سے نکالا،ایک بار رات گئے گھر آیا تو زلفی بخاری کو اپنے کمرے میں پایا،زلفی بخاری چیئرمین پی ٹی آئی کے ساتھ بشریٰ بی بی کے گھر آنے جاتے رہتےتھے، چیئرمین پی ٹی آئی،زلفی بخاری کا اس طرح گھر پر آنا غیر اسلامی تھا،بشریٰ بی بی کا چیئرمین پی ٹی کے گھر بھی آنا جانا شروع ہوگیا،بشریٰ بی بی گھنٹوں چیئرمین پی ٹی آئی کے گھر رہتی تھیں،بشریٰ بی بی کے ساتھ میری تلخ کلامی بھی ہوئی،چیئرمین پی ٹی آئی کےکہنے پر بشریٰ بی بی کو فرح گوگی نے الگ موبائل دیا،بشریٰ بی بی کو کئی بار روکا لیکن وہ ہمیشہ بہانے باننا شروع کر دیتی تھیں، مجھے میرےنوکر نے بتایا کہ چیئرمین پی ٹی آئی، بشریٰ بی بی کے ناجائز تعلقات بھی ہیں، بہت کوشش کی رشتہ قائم رہےلیکن 14نومبر2017 کو بشریٰ بی بی کو طلاق دے دی،چیئرمین پی ٹی آئی،بشریٰ بی بی نے غیرشرعی نکاح فروری 2018 میں کیا، فرح گوگی نے طلاق کی تاریخ تبدیل کرنے کا کہا اور زبردستی کی، میں نے فرح گوگی کی بات رد کی جس پر چیئرمین پی ٹی آئی،بشریٰ بی بی نے دوبارہ نکاح کیا، میری شادی شدہ زندگی چیئرمین پی ٹی آئی نے برباد کی، چیئرمین پی ٹی آئی، بشریٰ بی بی زنا کے مرتکب ہوئے،دوران عدت نکاح کیا، گناہ کیا، فراڈ پر مبنی شادی کی،
