پہلی بیوی کی اجازت کے بغیر دوسری شادی پر شوہر کو جرمانہ

عدالتی فیصلے کے بعد مجرم کو کمرۂ عدالت سے گرفتار کرکے سینٹرل جیل پشاور منتقل کردیا گیا
0
157
court

پشاور:پشاور کے فیملی کورٹ نے شہری کو پہلی بیوی کی اجازت کے بغیر دوسری شادی کی سزا سنا دی۔

باغی ٹی وی : میڈیا ذرائع کے مطابق فیملی کورٹ کے جج غلام حامد نے فیصلہ سنایا،عدالت نے مجرم سجاد خان کو تین ماہ قید کی سزا سناتے ہوئے 5 ہزار روپے کا جرمانہ بھی عائد کیا، عدالت نے فیصلے میں کہا کہ جرمانے کی عدم ادائیگی کی صورت میں مجرم کو مزید 15 روز قید بھگتنا ہوگی، عدالتی فیصلے کے بعد مجرم کو کمرۂ عدالت سے گرفتار کرکے سینٹرل جیل پشاور منتقل کردیا گیا۔

واضح رہے کہ بیوی نے شوہر کے خلاف 2022 میں کیس دائر کیا تھا جس کا آج فیصلہ سامنے آیا ہے۔

بلوچستان میں بارشوں سے تباہی،امدادی کاروائیاں جاری

قبل ازیں سیالکوٹ میں گھریلو ناچاکی پر بیوی نے اپنی تین بہنوں اور بہنوئی کے ساتھ مل کر اپنے شوہر کو پیٹرول چھڑ کر آگ لگادی تھی، واقعہ اگوکی کے محلہ رویل گڑھا میں پیش آیا تھا جھلسنے والے شخص شکیل کو ٹی ایچ کیو اسپتال سمبڑیال منتقل کردیا گیا متاثرہ شہری کے جسم کا 60 فیصد حصہ جل گیا تھا-

متاثرہ شخص کا کہنا تھا کہ اس کی بیوی اور اس کے درمیان چند روز سے ناراضی چل رہی تھی، گزشتہ روز وہ اپنے گھر پہنچا تو پھر جھگڑا شروع ہوگیا جس کے بعد گھر میں موجود بیوی نے اپنی تین بہنوں اور بہنوئی کے ساتھ مل کر اسے پیٹرول چھڑک کر آگ لگادی تھی-

کراچی خود کش حملہ،مقدمہ درج،حملہ ناکام پولیس نے بنایا یا سیکورٹی گارڈ نے؟

بینظیر کے نام سے منسوب ٹینس کلب کی لیز منسوخ کرنے کا فیصلہ شر …

Leave a reply