الیکشن کمیشن آف پاکستان نے سینیٹ کی قائمہ کمیٹی پارلیمانی امور کو کمیشن کے ممبران، ملازمین کی تنخواہیں، اخراجات اور عام انتخابات کے اخراجات پر بریفنگ دینے سے معذرت کرلی ہے
سینیٹ کی قائمہ کمیٹی پارلیمانی امور کا ہمایوں مہمند کی زیر صدارت اجلاس ہوا جس کے ایجنڈے میں الیکشن کمیشن ممبران، ملازمین کی تنخواہ، سفر کے اخراجات اور 8 فروری کے الیکشن خراجات کی تفصیلات مانگی گئی تھیں، سیکرٹری الیکشن کمیشن نے وزارت پارلیمانی امور کو خط میں کہا کہ الیکشن کمیشن آزاد آئینی ادارہ ہے، کسی وزارت کے ماتحت نہیں، الیکشن کمیشن قائمہ کمیٹی پارلیمانی امور کے دائرہ اختیار میں نہیں، الیکشن کمیشن کے اخراجات چارجڈ اخراجات میں آتے ہیں،الیکشن کمیشن کے بجٹ پر قومی اسمبلی میں ووٹنگ نہیں ہوتی، الیکشن کمیشن مانگی گئی معلومات کمیٹی کو دینے کا پابند نہیں، الیکشن کمیشن، الیکشن قوانین اور آئینی معلات پر قانون سازی کے معاملات پر معاونت کر سکتا ہے
رولز کے تحت ہمیں کسی شخص کو طلب کرنے، دستاویزات، ریکارڈ لینے کا اختیار ہے،ہمایوں مہمند
چئیرمین کمیٹی ہمایوں مہمند نے کہا کہ الیکشن کمیشن والے کہتے ہیں وہ پارلیمنٹ کو جواب دہ نہیں جس پارلیمنٹ نے ان کی تخلیق کی اس کو وہ کہتے ہم آپ کو جوابدہ نہیں، رولز کے تحت ہمیں کسی شخص کو طلب کرنے، دستاویزات، ریکارڈ لینے کا اختیار ہے، الیکشن کمشن اور چیف الیکشن کمشنر کو ہم بلا سکتے ہیں،سیکریٹری پارلیمانی امور نے کہا کہ وزارت پارلیمانی امور کے اختیار میں الیکشن کمیشن کا قانون سازی کا معاملہ شامل ہے،سینر محسن عزیز نے کہا کہ الیکشن کمیشن کے لیٹر کو مسترد کر دینا چاہیے، پی اے سی میں الیکشن کمیشن آیا تھا،سیکریٹری پارلیمانی امور نے کہا کہ معاملہ چیئرمین سینیٹ کے پاس بھیج کر ان کی رہنمائی اور رائے لی جائے،ہمایوں مہمند نے کہا کہ میں اس پر استحقاق کمیٹی جاوں گا، یہ سینیٹ کی تضحیک ہے ہم چیئرمین سینیٹ کی رائے لے لیتے ہیں، میری رائے میں تو استحقاق کمیٹی کے پاس جانا چاہیے لیکن پرویز رشید کی رائے پر میں تھوڑا صبر کرتا ہوں،سینیٹر علی ظفر نے کہا کہ الیکشن کمیشن نے پارلیمنٹ کے منہ پر تھپڑ مار دیا کہ آپ کو نہیں بتایا، میرے لیے یہ قابل قبول نہیں، میں نے آئین دیکھا کہ کیا الیکشن کمیشن کوئی ایسی چیز ہے جو جوابدہ نہیں،
ہم سوال ہی پوچھ رہے ہیں کہ بجٹ بتائیں، آپ کہتے ہیں کہ نہیں بتاتے، یہ ہماری توہین ہے،علی ظفر
سینیٹر علی ظفر کا کہنا تھا کہ ایجنڈا الیکشن کمیشن کو بھیجا گیا، آپ نے ان سے درست سوالات پوچھے، الیکشن کمیشن کو الیکشن کرانے کے لیے عوام کا پیسہ دیا گیا، وہ پیسہ کہاں استعمال ہوا، وہ پیسہ آپ کے غیر ملکی دورے، فیملی کو سیر کرانے یا الیکشن کرانے پر لگا، جب کوئی چیز چھپانے والی نہ ہو تو ادارے کو اپنا بجٹ دے دینا چاہیے تھا، ماضی میں اسی کمیٹی کے پاس الیکشن کمیشن کے اخراجات آئے، کمیٹی نے پہلے بھی الیکشن کمیشن سے تنخواہ کی تفصیلات مانگیں، ہم پڑھتے آئے کہ پارلیمنٹ بالادست ہے، پارلیمنٹ نے ہی الیکشن کمیشن کو بجٹ دینے کا فیصلہ کیا، ہم سوال ہی پوچھ رہے ہیں کہ بجٹ بتائیں، آپ کہتے ہیں کہ نہیں بتاتے، یہ ہماری توہین ہے، الیکشن کمیشن والے یہاں آئے ہی نہیں، چیف الیکشن کمشنر اور ممبران پارلیمانی نگرانی میں آتے ہیں، اگر ہم بھی نہیں پوچھ سکتے تو پھر کونسی کمیٹی ہے جو الیکشن کمیشن سے پوچھ سکتی ہے، یہ ایک بہت سنجیدہ معاملہ ہے، کمیٹی کا استحقاق مجروح ہوا ہے
سیکریٹری پارلیمانی امور نے کہا کہ آپ کا ایجنڈا ہم نے الیکشن کمیشن کو بھیجا، سیکریٹری الیکشن کمیشن سے بریفنگ مانگی گئی تھی، ہم نے الیکشن کمیشن کو لیٹر بھیج دیا، الیکشن کمیشن نے ہمیں لیٹر بھیجا کہ ہم ان وجوہات کی بنیاد پر نہیں آ رہے، وزارتِ پارلیمانی امور کے اختیار میں الیکشن کمیشن کی قانون سازی کا معاملہ شامل ہے، ہم الیکشن کمیشن کا قانون سازی کا بزنس کریں گے، پارلیمنٹ کا حکم آیا کہ آپ حاضر ہوں، سپرمیسی آف پارلیمنٹ ہے،سینیٹر محسن عزیز نے کہا کہ ہمیں آج کیوں بلایا گیا؟ کیا اس خط کو پڑھنے بلایا گیا ہے، اس اجلاس پر عوام کا پیسہ لگتا ہے، میری آج کی حاضری قبول نہ کی جائے، الیکشن کمیشن کے لیٹر کو مسترد کر دینا چاہیے۔
جنرل الیکشن 2024 پر ساڑھے 33 ارب روپے کے اخراجات آئے۔الیکشن کمیشن
پی ٹی آئی پرپابندی،رہنماؤں کیخلاف آرٹیکل 6کے تحت کاروائی،عطا تارڑ کا بڑا اعلان
لڑائی شروع،کیا ایمرجنسی لگ سکتی؟جمعہ پھر بھاری،کپتان جیت گیا
مخصوص نشستوں پر سپریم کورٹ کا فیصلہ،ملک ایک اور آئینی بحران سے دوچار
حکومت کو کوئی خطرہ نہیں،معاملہ تشریح سے آگے نکل گیا،وفاقی وزیر قانون
سپریم کورٹ کا فیصلہ، سیاسی جماعتوں کا ردعمل،پی ٹی آئی خوش،حکومتی اتحاد پریشان
عمران خان نے آخری کارڈ کھیل دیا،نواز شریف بھی سرگرم
پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت
اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک
اڈیالہ جیل میں قید عمران خان نے بالآخر گھٹنے ٹیک دیئے
"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے
