![adyayla](https://baaghitv.com/wp-content/uploads/2023/11/imran.jpg)
بانی پی ٹی آئی عمران خان کا فوج کے حوالے سے پارٹی کو جاری مبینہ ہدایت نامہ سامنے آ گیا
ہدایت نامہ میں بانی پی ٹی آئی عمران خان نے قائدین کو ٹی وی پروگرامز میں فوج اور چیف آف آرمی سٹاف کے متعلق منفی بات سے روک دیا اور کہا کہ تمام لیڈرز اور ایم این اے ، ایم پی اے حضرات ہدایت پر عمل کریں ، ہدایت پر عمل نا کرنے پر ڈسپلنری ایکشن ہو گا، فوج اور سپہ سالار جنرل عاصم منیر کے حوالے سے مثبت بات کی جائے
قبل ازیں عمران خان نے فوج سے مذاکرات کرنے کی حامی بھر لی،عمران خان نے اڈیالہ جیل میں صحافیوں سے گفتگو کرتے ہوئے کہا کہ فوج اپنا نمائندہ مقرر کرے ہم مذاکرات کرنے کیلئے تیار ہیں،ہم نے فوج پر الزامات نہیں تنقید کی تھی، گھر میں کوئی بگڑا ہوا بچہ ہو تو اس پر تنقید کی جاتی ہے،
عمران خان کا کہنا تھا کہ فوج پر تنقید اس وجہ سے کی تھی کیونکہ تنقید جمہوریت کا حسن ہے، ہمیں یہ نا بتائیں کہ فوج نے کیا غلطی کی ہے، سُپریم کورٹ نے فیصلے میں کہا کہ ذوالفقار علی بھٹو کی سزا غیر قانونی تھی،سزا کے پیچھے جنرل ضیاء الحق کا ہاتھ تھا،سقوط ڈھاکہ کے پیچھے جنرل یحییٰ خان کا ہاتھ تھا،
، محمود خان اچکزئی پر ہمارا پورا بھروسہ ،محسن نقوی سے کبھی بات نہیں کروں گا،عمران خان
صحافی نے سوال کیا کہ آپ کی حالیہ باتوں سے لگ رہا ہے کہ آپ فوج سے معاملات ٹھیک کرنا چاہتے ہیں لیکن آپ نے اسی فوج اور اس کے سربراہ پر الزامات عائد کیے،جس پر عمران خان نے کہا کہ میں نے فوج پر کبھی الزام نہیں لگائے میں نے صرف تنقید کی ہے، صحافی نے سوال کیا کہ آپ فوج پر الزامات لگاتے ہیں اور انہی سے مذاکرات بھی چاہتےہیں،سیاسی جماعتوں سے مذاکرات کیوں نہیں کرتے،عمران خان نے کہا کہ ایس آئی ایف سی کیا ہے؟ محسن نقوی کون ہے؟ ملک میں غیر اعلانیہ مارشل لاء نافذ ہے، محسن نقوی انہی کا تو نمائندہ ہے،وہ یہاں انہی کے ذریعے پہنچا، محمود خان اچکزئی کو ہم نے مذاکرات کا مینڈیٹ دیا تھا،دوسری طرف سے کوئی نام سامنے آتا تو ہم بات کرتے، محمود خان اچکزئی پر ہمارا پورا بھروسہ ہے،محسن نقوی سے کبھی بات نہیں کروں گا،اس نے آئی جی پنجاب سے ملکر ہمارے لوگوں پر ظلم کیا، یہ ظل شاہ کی موت کے ذمہ دار ہیں،یہ بیرون ملک کہیں نہیں جا سکے گا،باہر ممالک میں تشدد سے نفرت کی جاتی ہے،مریم نواز فاشسٹ ہے، وہ باپ کے چوری کے پیسوں پر ایسے پلی ہے جیسے شہزادی ہو، مریم نواز نے آئی جی پنجاب کو اسی لئے رکھا ہوا ہے کہ اس نے پی ٹی آئی پر ظلم کیا ہے،
عمران خان اپنے موقف پر قائم، مذاکرات کیلئے 3 نکات دے دیئے، مذاکرات کیلئے پہلا مطالبہ ہے چوری کیا گیا مینڈیٹ واپس کیا جائے، مذاکرات کیلئے دوسرا مطالبہ گرفتار کارکنان کی رہائی اور مقدمات کا خاتمہ ہے، تیسرا مرحلہ ملک بچانے کا ہے جو صاف و شفاف الیکشن کے بغیر ممکن نہیں،
جیل کے کمرے کی صفائی کرنے والے کا بجلی بل 40ہزار آیا ،جماعت اسلامی کے دھرنے میں آج ہی شریک ہوں گے،عمران خان
عمران خان کا کہنا تھا کہ مولانا فضل الرحمان نے اسمبلیوں سے استعفے کی جو بات کی ہے وہ تیسرے مرحلے کی بات کر رہے ہیں،جماعت اسلامی کے دھرنے کی مکمل حمایت کرتا ہوں،ہماری پارٹی اس دھرنے میں بھرپور شرکت کرے گی، پارٹی لیڈر شپ کو کہوں گا کہ آج ہی جماعت اسلامی کے دھرنے میں شمولیت کریں، حالات یہ ہیں کہ میرے جیل کے کمرے کی صفائی کرنے والے کا بجلی بل 40ہزار آیا ہے، بجلی کے بلوں اورٹیکسسز میں ہوشربا اضافہ پر جماعت اسلامی کے موقف کی حمایت کرتا ہوں، لاپتہ افراد کی بازیابی کیلئے نکلنے والی بلوچ عوام کی حمایت کرتا ہوں،بلوچستان میں لوگوں کو غائب کرنا ظلم ہے، حکومت ہوش کرے،بلوچ عوام میں بہت زیادہ نفرت پھیل رہی ہے،ہمارے 25ورکر اب تک غائب ہیں
حکومت سے ہم کیا مذاکرات کریں،پی پی پی اور ن لیگ دونوں فارم 47والے ہیں،عمران خان
عمران خان کا کہنا تھا کہ میں نے چیف جسٹس اسلام اباد ہائیکورٹ عامر فاروق کے خلاف ریفرنس دائر کیا ہے، چیف جسٹس عامر فاروق مجھے ٹیریان کیس میں پھنسانا چاہتے تھے، میرے اور اہلیہ کے سارے کیسسز عامر فاروق کیوں سنتا ہے؟ مجھے جوڈیشل کمپلیکس سے اغواء کیا گیا تو چیف جسٹس عامر فاروق نے اُسے درست قرار دیا، چیف جسٹس اسلام آباد ہائیکورٹ عامر فاروق سے گزارش ہے کہ انصاف کے اصولوں کے تحت میرے مقدمات سے الگ ہو جائیں، ہائیکورٹ میں اور بھی ججز ہیں کسی اور کو کیسسز دے دیں،9مئی واقعات میں ہماری بے گناہی سی سی ٹی وی میں چھپی ہے،اگر 9مئی میں پی ٹی آئی کا کوئی بندہ ملوث ہے تو اُسے ضرور سزا دیں، 28سالہ جدوجہد میں کبھی توڑ پھوڑ کی بات نہیں کی، ساری پارٹیاں جلسے کر رہی ہیں ہمیں جلسہ کرنے کی اجازت نہیں دیتے،ابھی صوابی میں جلسہ کر رہے ہیں اگلا جلسہ اسلام اباد میں کریں گے،ہم نہیں چاہتے انتشار ہو، حکومت سے ہم کیا مذاکرات کریں،پی پی پی اور ن لیگ دونوں فارم 47والے ہیں، حکومت کا ایک ہی مقصد ہے پی ٹی آئی اور فوج کی لڑائی کروا کر ہماری جماعت ختم کروائیں، ن لیگ اور پیپلز پارٹی یہ دونوں جماعتیں سمندر میں ڈوب رہی ہیں،جوتے کے سہارے لٹک رہی ہیں جس پر 9مئی کا ٹیگ لگا ہے،
جس آدمی کو گھر سے نکالا اُسی کو میرے خلاف وعدہ معاف گواہ بنا دیا گیا،عمران خان
عمران خان کا مزید کہنا تھا کہ میں نے نیب پراسیکیوٹر سے معافی نہیں مانگی یہ کہا تھا کہ آپ سے کوئی مسئلہ نہیں، نیب والے نااہل ہیں یا بے ضمیر ہیں،نیب کی وجہ سےمیں ایک سال سے جیل میں ہوں،جس آدمی کو گھر سے نکالا اُسی کو میرے خلاف وعدہ معاف گواہ بنا دیا گیا، میرے اُوپر 200 مقدمات درج کرنے پر دنیا ان کا مذاق اُڑا رہی ہے،چوہدری پرویز الہیٰ نے بڑی مشکلات کا سامنا کیا،اس کی 3پسلیاں ٹوٹیں،میں اس کی تعریف کرتا ہوں،اضافی ججز اپنے مرضی کے فیصلوں کیلئے تعینات کئے جا رہے ہیں،احمد جنجوعہ کو گھر سے گرفتار کرکے دہشتگرد بنا دیا گیا ہے،
”معافی نہیں مانگوں گا“ خود ساختہ انقلابی منتیں ترلے پہ اتر آیا ہے،مریم اورنگزیب
پنجاب کی سینئر وزیر مریم اورنگزیب نے کہا ہے کہ خود ساختہ انقلابی، فوج سے کس بات کے مذاکرات چاہتا ہے؟ شہدا کے مجسمے توڑ کر، جی ایچ کیو اور ائیر بیس پہ حملے کر کے، کور کمانڈر کا گھر جلا کر: فوج سے معافی مانگو مذاکرات نہیں۔ شہداء کے اہل خانہ سے 9 مئی کے گناہ کی معافی مانگو۔ 9 مئی کا منظم منصوبہ، شہداء کی یادگاروں کی توہین، تنصیبات اور جی ایچ کیو پہ حملہ تنقید نہیں ریاست پہ حملہ ہوتا ہے۔فاشسٹ کی بات صرف صرف اقتدار کے لئے ہوتی ہے، اقتدار کی خاطر آئین توڑنے والا فاشسٹ ہوتا ہے۔ ”فاشسٹ“ سیاسی مخالف کو اذیت دینے کے لئے قید والد کے سامنے بیٹی کو گرفتار کرتا ہے۔ فاشسٹ وہ ہوتا ہے جس کو ”میڈیا پریڈیٹر“، آزادیاں ہڑپ کر جانے والا درندہ قرار دیا ہوتا ہے۔
ریاستی اداروں کیخلاف بیرون ملک سے پروپیگنڈہ کرنیوالا ایک اور کارندہ بے نقاب
سوشل میڈیا پر اداروں کے خلاف منظم مہم،تحقیقات کیلیے جے آئی ٹی تشکیل
14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو
عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا
عبوری ضمانت "معصوم” فرد کا حق ہے،نومئی مقدمے،عمران کی ضمانت مسترد ہونے کا فیصلہ
پی ٹی آئی میڈیا کوآرڈینیٹر سے دھماکہ خیزمواد برآمد،کالعدم تنظیموں سے تعلق،جسمانی ریمانڈ مل گیا
تحریک انصاف کے سوشل میڈیا ایکٹوسٹ کے خلاف کریک ڈاون کا آغاز ہو گیا
مہنگی بجلی، زیادہ تر آئی پی پیز پی ٹی آئی رہنماؤں کی ملکیت نکلیں
طبل جنگ بج گیا، لڑائی شروع،پی ٹی آئی پرپابندی
ہر نئے ریلیف کے بعد اک نیا کیس،عمران خان کی رہائی ناممکن
عمران خان نے آخری کارڈ کھیل دیا،نواز شریف بھی سرگرم
پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت
اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک