الحمدللہ! میں بالکل خیریت سے ہوں :چودھری شجاعت حسین

0
40

لاہور:الحمدللہ! میں بالکل خیریت سے ہوں ،سوشل میڈیا پر چلنے والی خبریں بے بنیاد ہیں، ان گمراہ کن خبروں پر دھیان نہ دیا جائے ، ان خیالات کا اظہارپاکستان مسلم لیگ کے سربراہ چوہدری شجاعت حسین نے اس وقت کیا جب سوشل میڈیا پران کی وفات کی جھوٹی خبریں چلائی گئیں

سوشل میڈیا پر مسلم لیگ ق کے سربراہ چوہدری شجاعت حسین صاحب کے انتقال کے حوالے سے چلنے والی خبر میں کوئی صداقت نہیں ،خود چوہدری شجاعت حسین نے ان افواہوں کی تردید کردی ۔ ادھر پارٹی رہنماوں کی طرف سےکہا گیا ہے کہ افواہ ساز خدا کا خوف کریں ، خاندان اور چاہنے والے کس کرب سے گزریں گے ، کسی کو پرواہ ہی نہیں ،

پارٹی رہنماوں کی طرف سے افسوس کا اظہارکرتے ہوئے کہا گیاہے کہ ایسی افواہیں انسانیت دشمنی ، ایسے شخص کے بارے میں سنسی پھیلائی جا رہی ہے ، جو لاکھوں لوگوں کی امید اور سہارا بنا ۔ چوہدری شجاعت حسین ملک اور قوم کا قیمتی اثاثہ ، جن کی وضع داری اور بالغ نظری کے مخالف بھی معترف ہیں .انکے خاندان اور کارکنوں میں اس حوالے سے شدید غم و غصہ اور اضطراب پیدا ہو گیا ہے ، انکی صحت کے حوالے سے منفی خبروں کا سلسلہ نہایت شرمناک عمل ہے.آئیں سب مل کر دعا کریں کہ اللہ رب العزت چوہدری شجاعت حسین کو مکمل صحت عطا فرمائے آمین.

یاد رہے کہ اس سے پہلے بھی سال 2021 کے آخر میں بھی ایسی افواہیں پھیلائی گئی تھیں جس پر مسلم لیگ ق پنجاب کے ڈپٹی سیکرٹری اطلاعات خواجہ رمیض حسن نے جاری بیان میں چوہدری شجاعت حسین کی وفات سے متعلق خبروں کی تردید کرتے ہوئے کہا کہ چوہدری شجاعت حسین بالکل خیریت سے ہیں۔ان کی طبیعت بہتر ہورہی ہے۔

Leave a reply