آئی ایم ایف کا سیاست میں استعمال کروڑوں عوام کی تقدیر سے کھیلنے کے برابر ہے،فیصل واوڈا

کراچی: سابق وفاقی وزیر اور سینیٹ کی جنرل نشست کے آزاد امیدوار فیصل واوڈا نے کہا ہے کہ میں اس بات پر قائم ہوں کہ آصف علی زرداری نے مجھے بیٹے جیسا کہا ہے اور میں بھی احترام کرتا ہوں۔

باغی ٹی وی : الیکشن کمیشن سندھ کے دفتر میں اپنے کاغذات کی جانچ پڑتال کے بعد میڈیا سے بات چیت کرتے ہوئے فیصل واوڈا نے کہا کہ میں اس بات پر قائم ہوں کہ آصف علی زرداری نے مجھے بیٹے جیسا کہا ہے اور میں بھی احترام کرتا ہوں، پیپلز پارٹی کی نچلی قیادت اسے تسلیم کرے یا نہ کرے مجھے اس سے کوئی فرق نہیں پڑتا، پاکستان میں شفافیت پر تو 75 سال سے سوالات موجود ہیں، میں آزاد امیدوار ہوں اور میرے فارم پر بھی یہی لکھا ہے، ہار جیت کا فیصلہ پولنگ کے دن ہوگا۔

مسقط میں 13 دن سےخراب پی آئی اےکا طیارہ کراچی پہنچ گیا

ایک سوال پر فیصل واوڈا نے کہا کہ ابھی آزاد کا سیزن چل رہا ہے میں آزاد امیدوار ہی ہوں، جب پارٹی کا سیزن آئے گا جب پارٹی بھی دیکھ لیں گےنگراں سیٹ اپ کے لوگ حکومت میں آجائیں تو اس سے کیا فرق پڑتا ہے، سیاسی مخالفت اپنی جگہ مگر آئی ایم ایف سیاست کے لیے استعمال نہیں کرنا چاہیے یہ کروڑوں عوام کی تقدیر سے کھیلنے کے برابر ہے۔

غزہ کے تمام شہری مئی تک قحط کا شکار ہوجائیں گے، رپورٹ