لداخ: بھارتی فوج کا ٹرک کھائی میں جاگرا،9 فوجی ہلاک، 2 زخمی
لداخ میں بھارتی فوج کا ٹرک کھائی میں جاگرا، جس کے نتیجے میں 9 فوجی مارے گئے۔
باغی ٹی وی : بھارتی میڈیا کے مطابق ہفتہ کی شام لداخ میں فوج کی ایک گاڑی کھائی میں گر گئی اس حادثے میں 9 فوجی ہلاک، جب کہ دو زخمی ہوئے یہ حادثہ کیاری شہر سے 7 کلومیٹر دور کارو گیریژن کے قریب پیش آیا اطلاع ملتے ہی فوج نے ریسکیو آپریشن شروع کر دیا ہے۔
لیہہ کے سینئر سپرنٹنڈنٹ آف پولیس پی ڈی نیتیا نے واقعہ کی تصدیق کی ہے پی ڈی نیتیا نے بتایا کہ ایک زخمی اہلکار زیر علاج ہے اور اس کی حالت تشویشناک ہے واضح رہے کہ بھارتی فوج کا ایک ڈویژنل ہیڈکوارٹر مشرقی لداخ میں کیاری میں واقع ہے۔
بحرین میں 500 قیدیوں نے بھوک ہڑتال شروع کردی
حکام نے بتایا کہ ٹرک میں 10 فوجی سفر کر رہے تھے اور قافلے میں 5 گاڑیاں تھیں حادثے کے بعد پولیس کی ایک ٹیم موقع پر پہنچی اور تمام زخمی فوجیوں کو طبی مرکز میں لے گئی، جہاں ان میں سے 8 کو مردہ قرار دے دیا گیا،مرنے والوں میں آٹھ فوجی اور ایک جونیئر کمیشنڈ آفیسر (جے سی او) شامل ہیں۔
Saddened by the loss of Indian Army personnel due to an accident near Leh in Ladakh. We will never forget their exemplary service to our nation. My thoughts are with the bereaved families. The injured personnel have been rushed to the Field Hospital. Praying for their speedy…
— Rajnath Singh (@rajnathsingh) August 19, 2023
بھارتی وزیر دفاع راج ناتھ سنگھ نے سوشل میڈیا پر مرنے والوں کے اہل خانہ سے تعزیت کی ہے کہا کہ لداخ میں لیہہ کے قریب ایک حادثے کی وجہ سے ہندوستانی فوج کے جوانوں کے نقصان پر دکھ ہوا ہے ہم اپنی قوم کے لئے ان کی مثالی خدمات کو کبھی نہیں بھولیں گے میری ہمدردیاں سوگوار خاندانوں کے ساتھ ہیں۔
شمالی وزیرستان، گاڑی کے قریب دھماکہ ،11 افراد جاں بحق،متعدد زخمی
29 اپریل 2023 کو جموں و کشمیر کے راجوری میں فوج کی ایمبولینس سڑک سے پھسل کر 200 فٹ گہری کھائی میں گر گئی تھی- اس حادثے میں دو فوجی ہلاک ہو گئے تھے،اس کے ساتھ ہی 2 جوان زخمی بھی ہوئے تھے۔ یہ واقعہ لائن آف ایکچوئل کنٹرول (ایل او سی) کے قریب کیری سیکٹر میں پیش آیا تھا-
